Алматыда колонияның бұрынғы басшысы ұсталды
Опубликовано:
Читать на русском
Алматыда қауіпсіздігі барынша төмен мекеменің бұрынғы басшысы қамауға алынды, деп хабарлайды Қылмыстық атқару жүйесі комитетінің баспасөз қызметіне сілтеме жасаған KAZ.NUR.KZ.
Telegram-дағы EgovPress арнасында Алматы қаласындағы №13 қауіпсіздігі барынша төмен мекеме бастығының ұсталғаны туралы ақпарат жарияланды. Хабарламада оның дәл кеңседе тұтқындалғаны айтылған.
Қылмыстық атқару жүйесі комитетінің баспасөз қызметі өкілдері NUR.KZ тілшісіне қамауға алу туралы ақпаратқа қатысты пікір білдірді.
"Бұл адам ұсталған кезде ішкі істер органдарының қызметкері болмаған, құзырлы органдар оған қатысты сотқа дейінгі тергеу амалдарын жүргізіп жатыр.
Қылмыстық-атқару жүйесі комитеті кез келген заңбұзушылыққа төзімсіздік таныту саясатын ұстанады және тергеу жүргізетін органдарға жан-жақты көмек көрсетеді", - делінген комитет хабарламасында.
Еске сала кетейік, бұған дейін желіде Павлодар облысында колония бастығының орынбасары ұсталды деген ақпарат тарады. Бұған қатысты облыстық ҚАЖД өкілдері түсінік берді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2225979-almatyda-koloniianyng-buryngy-basshysy-ustaldy/