Алматы әуежайының қызметкерін кепілге алған адамның ұсталған сәтінен видео тарады

Алматы әуежайының ішкі терминалында қызметкерді пышақпен қорқытып, кепілген алды деген ер адамның ұсталған сәтінен видео тарады, деп хабарлайды KAZ.NUR.KZ.

Instagram желісіндегі kris_p_almata парақшасында жарияланған кадрлардан пышақ ұстаған адамның өзіне жақын тұрған ер адамның қолын ұстап, сөйлеп тұрғанын байқауға болады. Сәлден кейін күдікті бейқам тұрған сәтте ер адам одан пышақты тез тартып алған, содан соң полиция қызметкерлері мен басқа да адамдар құқық бұзушыны ұстады.

Еске сала кетейік, бүгін Алматыда ер адам әуежай қызметкерін шашынан ұстап, пышақпен қорқытқаны хабарланған болатын. Әуежайдың баспасөз қызметінің хабарлауынша, 7 минуттан кейін құқық бұзушыдан полиция қызметкерлері мен әуежайдағы азаматтардың көмегімен суық қаруы алынды.

Президент Қасым-Жомарт Тоқаев күдіктінің суық қаруын тартып алып, ұстауға көмектескен ер адамның батылдығын ерекше атап өтіп, аталған азаматты мемлекеттік наградаға ұсынуды тапсырды.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз