Жамбыл облысында атыс болды: төрт адам жараланды

Жамбыл облысындағы ауылдардың бірінде төрт адам травматикалық қарудан жараланды. Олар ауруханаға жеткізілді, деп хабарлайды облыстық Полиция департаментіне сілтеме жасаған KAZ.NUR.KZ.

Ведомствоның баспасөз қызметінің мәліметінше, 29 шілдеде сағат 21:30 шамасында Жамбыл облысындағы Мойынқұм ауылында оқ жарақатын алған төрт адам аудандық ауруханаға жеткізілді.

Алдын ала мәлімет бойынша, зардап шеккендер травматикалық қарудан жараланған.

Аталған факті бойынша Қылмыстық кодекстің 24-бабының 3-бөлігі және 99-бабының 2-бөлігі бойынша қылмыстық іс қозғалды.

"Күдіктілерді анықтауға және ұстауға бағытталған жедел-іздестіру шаралары жүргізіліп жатыр", - деді Жамбыл облысының полиция департаменті өкілдері.

Қазір оқиғаның барлық мән-жайын анықтау үшін тергеп-тексеру амалдары жүргізіліп жатыр.

Мәтіннен қате тапсаңыз, бізге жазыңыз