Алакөлде 17 жастағы бозбала cуға батып кетті

Алакөлде 17 жастағы бозбала суға батып кетті. Ол жағадан 500 метр жерде катерден суға секірген. Қылмыстық іс қозғалды, деп хабарлайды Абай облыстық полиция департаментіне сілтеме жасаған KAZ.NUR.KZ.

Ведомствоның баспасөз қызметінің хабарлауынша, 32 жастағы катер иесіне қатысты абайсызда адам өліміне әкеп соққан қауіпсіздік талаптарына сай келмейтін жұмыстарды орындағаны немесе қызмет көрсеткені үшін сотқа дейінгі тергеу басталды.

Қайғылы оқиға Алакөлдің Абай облысы аумағында болды.

"Суға түсуге арналмаған аумақта, жағадан 500 метрдей қашықтықта 17 жастағы бозбала құтқару кеудешесін кимей, катерден суға секіріп, батып кетті" - деді Абай облыстық полиция департаменті өкілдері.

Қазіргі уақытта қажетті сараптамалар кешені тағайындалды. Оқиғаның барлық мән-жайын анықтауға бағытталған тергеу амалдары жүргізіліп жатыр.

Мәтіннен қате тапсаңыз, бізге жазыңыз