"Ер адамды өлтіріп, баланы ұрлап кеткен": Талғардағы полицейлердің әрекетсіздігіне байланысты іс қозғалды

Талғарда ер адамның өлімі мен кішкентай қызды ұрлап кету жағдайынан кейін лауазымды тұлғалардың әрекетсіздігі фактісі бойынша қылмыстық іс қозғалды. Бұл туралы Алматы облысының прокуратурасына сілтеме жасаған KAZ.NUR.KZ хабарлайды.

Ведомствоның ресми ақпаратына сәйкес, 6 қыркүйекте облыс прокуратурасы Талғар ауданы полиция басқармасының лауазымды тұлғаларының әрекетсіздігі фактісі бойынша (ҚК 370-бабы 4-бөлігі) қылмыстық іс қозғады. Прокуратураның хабарлауынша, олардың тарапынан зорлау жасады деген күдіктіні ұстау және қажетті шаралар қабылдау бойынша әрекет жасалмаған. Салдарынан күдікті Талғар ауданы, Қызыл-Қайрат ауылында ер адамды өлтіріп, кәмелетке толмаған қыз баланы ұрлаған.

Аталған қылмыстық іс арнайы прокурорлардың өндірісіне қабылданды. Тергеу барысы облыс прокуратурасының ерекше бақылауында тұр. Прокуратура жалған ақпарат таратқаны үшін заңмен жауапкершілік көзделгенін ескертеді және тек ресми дереккөздерге сенуге шақырады", - делінген ведомствоның хабарламасында.

Айта кетейік, бұған дейін адвокат Гаухар Сарыева Талғардағы оқыс оқиға туралы хабарлаған болатын. Адвокат белгісіз азамат ер адамды атып өлтіріп, бүлдіршінді ұрлап кеткенін жеткізді. Бұл ақпаратты полиция өкілдері растады.

Кейін Сарыева Instagram-дағы парақшасында кішкентай қыздың жағдайы туралы айтты. Қорғаушы Stories-те ұрланған бүлдіршінге хирургиялық ота жасалып, тіліне сегіз тігіс салынды.

Мәтіннен қате тапсаңыз, бізге жазыңыз