Қарағандыда полиция пунктінен әйелдің денесі мен ес-түссіз жатқан полиция қызметкері табылды

Қарағандыда полиция бөлімшесінен әйелдің денесі мен ес-түссіз жатқан учаскелік полицей табылды, деп хабарлайды облыстық полиция департаментіне сілтеме жасаған KAZ.NUR.KZ.

Ведомствоның баспасөз қызметінің хабарлауынша, полиция бөлімшесінен әйелдің денесі табылуына қатысты қылмыстық іс қозғалған. Қазір оқиғаның мән-жайы мен өлім себебі анықталып жатыр.

Оқиға орнында ес-түссіз жатқан полиция қызметкері медициналық мекемеге жеткізілді.

Тергеудің объективті болуы үшін арнайы жедел-тергеу тобы құрылып, қызметтік тексеріс тағайындалды.

Барлық әрекет жан-жақты тексеріліп, кінәлілер қатаң жауапқа тартылады.

"Азаматтарды жалған ақпарат таратудан аулақ болуға шақырамын. Бұл іс менің жеке бақылауымда", - деді Қарағанды облысының полиция департаментінің бастығы Нығмет Исмағұлов.

Мәтіннен қате тапсаңыз, бізге жазыңыз