Павлодар облысында іс-шара кезінде ауыл әкімі мен фельдшер арасында жанжал шықты

Желіде Павлодар облысындағы ауыл округінің әкімі мен фельдшер арасында жанжал болғаны туралы ақпарат тарады. Бұған қатысты облыстық полиция департаменті өкілдері түсінік берді, деп хабарлайды KAZ.NUR.KZ.

Telegram-дағы арналардың бірінде Павлодар облысындағы ауыл округінің әкімі мен Екібастұз қалалық ветеринарлық станциясының фельдшері арасында жанжал болғанын хабарлады. Арнаның мәліметінше, фельдшердің миы шайқалып, бетіне зақым келген.

Павлодар облыстық полиция департаменті Instagram парақшасында оқиғаға қатысты түсінік берді. Ведомствоның мәліметінше, әлеуметтік желіде ауылдық округ әкімі мен фельдшер арасындағы жанжал туралы ақпарат тарап жатыр.

"Оқиға кешкі уақытта, қызметтік міндеттерін атқаратын уақыттан тыс мезгілде, бір іс-шараға қатысқан кезде болған.

Ол тұрмыстық сипаттағы жағдай болды, ал кәсіби қызметіне қатысы жоқ. Жанжалдасқан тараптар татуласты, бір-біріне шағымы мен наразылығы жоқ", - деді Павлодар облыстық полиция департаменті өкілдері.

Мәтіннен қате тапсаңыз, бізге жазыңыз