"Талдықорғанда полиция қызметкері мас күйде жол-көлік оқиғасына тап болды": Полиция департаменті өкілдері түсінік берді
Опубликовано:
Читать на русском
Желіде Талдықорғанда мас күйде рульге отырған полиция қызметкері жол-көлік оқиғасына тап болды деген ақпарат тарады. Жетісу облыстық Полиция департаменті жол апатына қатысты түсінік берді, деп хабарлайды KAZ.NUR.KZ.
"Талдықорғанда полиция қызметкері мас күйде жол-көлік оқиғасына тап болды, ал жол апатынан 60 жастағы әйел жарақат алып, сүйегі сынған. Құқық бұзушы қызметінен босатылды", - деп жазды Telegram желісіндегі Jagdai арнасы.
Жетісу облыстық Полиция департаменті NUR.KZ тілшісіне жол-көлік оқиғасына қатысты қылмыстық іс қозғалғанын хабарлады.
"Алдын ала мәлімет бойынша, Талдықорған қаласындағы Мұстафа Өзтүрік және Орақты батыр көшелерінің қиылысында келе жатқан Toyota көлігінің жүргізушісі Aito M9 көлігімен соқтығысқан.
Бұрын полиция қызметкері болған жүргізуші әйел ішкі істер органдарынан босатылды.
Қылмыстық тергеп-тексеру жалғасуда", - деді департаменттің баспасөз қызметі өкілі.
Мәтіннен қате тапсаңыз, бізге жазыңыз