Айзат Жұманованың өліміне қатысты іс: прокурор айыпталушыға қандай жаза сұрады

Прокурор Айзат Жұманованың өліміне қатысты іс бойынша айыптау актісін оқыды. Ол марқұмның күйеуіне 15 жыл бас бостандығынан айыру жазасын сұрады, деп хабарлайды Kazinform.

Агенттік тілшісінің хабарлауынша, Айзат Жұманованың өліміне қатысты сот отырысы Жетісу облыстық мамандандырылған ауданаралық қылмыстық сотында жалғасып жатыр. Тараптар бүгін қорытынды сөздерін айтады.

Прокурор Нұржан Билибеков айыптау актісін оқып шықты.

"Қылмыстық кодекстің 99-бабының 1-бөлігіне сәйкес, айыпталушы А.Ж. орташа қауіпсіздіктегі түзеу колониясында 15 жылға бас бостандығынан айыруды сұраймын. Сондай-ақ, сотталушының сотқа дейінгі қамауда ұстау шарасын күшінде қалдыруды сұраймын", - деді прокурор.

Қылмыстық кодекстің 98-бабының 2-бөлігіне сәйкес, сотталушы кінәсі дәлелденсе, жәбірленушілерге ең төменгі айлық жалақының 30 есесі (117 060 теңге) көлемінде өтемақы төлеуге және сот-медициналық сараптама шығындарын мемлекетке 690 329 теңге көлемінде өтеуге міндеттеледі.

Мәтіннен қате тапсаңыз, бізге жазыңыз