Қызылордада екі адам пышақ жарақатынан көз жұмды: күдікті ұсталды

Қызылордада екі адам пышақ жарақатынан көз жұмды. Оқиғаға қатысы бар деген күдікпен көршісі қамауға алынды, деп хабарлайды KAZ.NUR.KZ облыстық полиция департаментіне сілтеме жасап.

Ведомствоның баспасөз қызметінің мәліметінше, Қызылорда тұрғыны мен оның 34 жастағы қызы 7-нен 8 қаңтарға қараған түні пышақ жарақатынан қайтыс болды.

Полицияға оқиға туралы марқұмдардың көршілері хабарлаған.

Патрульдік полиция экипажы дереу оқиға орнына келіп, күдіктіні қылмыс үстінде ұстады. Ол жәбірленушілердің көршісі болып шықты.

Адам өлтіру фактісіне қатысты қылмыстық іс қозғалды.

Қазіргі уақытта барлық қажетті тергеу іс-шарасы жүргізілуде. Күдікті уақытша ұстау изоляторына қамалды.

Оқиғаның мән-жайы анықталып жатыр. Облыстық полиция департаменті сотқа дейінгі тергеуді бақылауда ұстайды.

Мәтіннен қате тапсаңыз, бізге жазыңыз