Астанада рұқсат етілмеген жиында болған әйелдер мен журналист ұсталды

Астанада полиция қызметкерлері рұқсатсыз жиын өткізген әйелдерді ұстады, деп хабарлайды KAZ.NUR.KZ Астана полициясының баспасөз қызметіне сілтеме жасап.

Астана полиция департаментінің баспасөз қызметі рұқсат етілмеген жиынға байланысты үш әйел Есіл аудандық полиция бөліміне жеткізілгенін мәлім етті.

"Бұл адамдарға бейбіт жиын өткізу тәртібіне қатысты қолданыстағы заңнаманы сақтау қажет екені туралы түсіндіріліп, әңгіме жүргізілді", - дейді департамент өкілі.

Өзін журналист деп таныстырған, бірақ жеке басын куәландыратын құжаты жоқ ер адам да полиция бөлімшесіне әкелінді. Жеке басы анықталғаннан кейін ол босатылды.

Мәтіннен қате тапсаңыз, бізге жазыңыз