"Орынбасары ұрған": Қарағандыда Олимпиада чемпионы Серік Сәпиев төбелесте зардап шекті

Мессенджерлерде бокстан Олимпиада чемпионы Серік Сәпиев пен оның орынбасары Дәурен Есімханов арасындағы төбелес туралы хабарлама тарады. Облыстық полиция департаменті бұл оқиғаға қатысты түсініктеме берді, деп хабарлайды KAZ.NUR.KZ.

Хабарламада төбелес салдарынан Серік Сәпиев жарақат алғаны айтылған.

Қарағанды облыстық полиция департаментінің мәліметінше, 42 жастағы Қарағанды тұрғынының шағымының негізінде ұрып-соғу фактісі бойынша қылмыстық іс қозғалды.

"21 қаңтарда қаладағы спорт кешендерінің бірінің ғимаратында екі адамның арасында жанжал туғаны анықталды.

Қазіргі уақытта полиция оқиғаның барлық мән-жайын тексеріп жатыр", - деді департаменттің баспасөз қызметі өкілі.

Облыстық полиция департаменті тергеу мүддесіне байланысты басқа ешқандай ақпаратты жария етпейді.

Айта кетейік, Серік Сәпиев 42 жаста. Қазір ол Қарағанды облысының дене шынықтыру және спорт басқармасының басшысы қызметін атқарады. Ол – 2012 жылғы Лондон Олимпиадасының чемпионы.

Ал оның орынбасары Дәурен Есімханов самбодан Азия және әлем чемпионы.

Мәтіннен қате тапсаңыз, бізге жазыңыз