Жетісуда ауыр жарақат алған үш жасар бала ауруханаға түсті: әкесі ұсталды (видео)

Жетісу облысында дене жарақатын алған үш жасар баланың анасы дәрігерлердің көмегіне жүгінген. Артынша өз баласын ұрып-соғып, денсаулығына ауыр зиян келтірді деген күдікпен баланың әкесі ұсталды, деп хабарлайды KAZ.NUR.KZ облыстық полиция департаментіне сілтеме жасап.

2 ақпанда, сағат 21:00-де "102" нөміріне медициналық мекемеден қоңырау түскен. Хабарламада ауруханаға денесінде зорлық-зомбылық белгілері, жарақаты бар үш жасар баланың жеткізілгені туралы айтылған.

Аталған дерек бойынша "Денсаулыққа қасақана ауыр зиян келтіру" бабы бойынша қылмыстық іс қозғалды.

Полиция қызметкерлері баланың әкесін тұрғылықты мекенжайы бойынша алкогольдік масаң күйде ұстап, уақытша ұстау изоляторына қамады.

"Қазіргі уақытта анасы баламен бірге медициналық мекемеде, жәбірленуші балаға қажетті медициналық көмек көрсетілуде", - делінген полиция хабарламасында.

Қазіргі таңда орын алған оқиғаның мән-жайын жан-жақты әрі объективті анықтауға бағытталған тергеу және процессуалдық іс-шаралар кешені жүргізілуде. Сотқа дейінгі тергеп-тексеру барысы Полиция департаменті басшылығының жеке бақылауында.

Посмотреть эту публикацию в Instagram

Публикация от Жетісу Облысының Полиция Департаменті (@zhetysu.police)

Мәтіннен қате тапсаңыз, бізге жазыңыз