Қырғызстанда Қазақстан азаматы ұсталды: ол 15 жылға бас бостандығынан айырылуы мүмкін

Қырғызстанның Мемлекеттік ұлттық қауіпсіздік комитетінің өкілдері Қазақстан азаматының ұсталғанын мәлімеді. Ол елге есірткіні заңсыз әкелуге тырысты деген күдікке ілінген, деп хабарлайды KAZ.NUR.KZ.

Хабарламада Қазақстан азаматының Қырғызстанға есірткі алып өтпек болғаны үшін қамауға алынғаны айтылған. Ол көрші елге синтетикалық есірткі жеткізгісі келді деп айыпталуда.

"Жалпы массасы 5 кг болатын "Альфа ПВП" синтетикалық есірткі заты бар Қазақстан азаматы ұсталды. Ол тергеу изоляторына қамалды, есірткі арнасын ұйымдастырушыларын анықтау бойынша қосымша тергеу шаралары жүргізілуде", - делінген хабарламада.

Мемлекеттік ұлттық қауіпсіздік комитеті есірткі құралдарын, психотроптық заттарды және олардың аналогтарын заңсыз дайындау, сатып алу, сақтау, тасымалдау, жөнелту және өндіру мүлкі тәркіленіп, 15 жылға дейін бас бостандығынан айыруға әкеп соғатынын атап өтті.

Мәтіннен қате тапсаңыз, бізге жазыңыз