БҚО-да шенеунікке зорлық фактісі бойынша айып тағылды: полиция істі тергеу барысы туралы айтты

БҚО-да ер адам кәмелетке толмаған қызын "ауданның жоғары лауазымды шенеунігі зорлады" деп айыптады. Полиция департаментіндегілер істі тергеу барысы туралы айтты, деп хабарлайды KAZ.NUR.KZ.

БҚО полиция департаменті 2 қаңтарда полицияға 16 жастағы қызға қатысты құқыққа қайшы әрекеттер туралы хабарлама түскенін растады. Аталған факт бойынша қылмыстық іс қозғалды.

"Тергеп-тексеру барысында объективті тергеуде маңызды саналатын телефон хабарламалары және басқа да фактілер анықталды.

Тергеу кәмелетке толмаған қызға қатысты зорлық-зомбылық фактісін анықтаған жоқ.

Сондай-ақ мұны жәбірленушінің өзі мен анасы да растады, олар күдіктіге қатысты кез келген талаптан бас тартып, қарым-қатынастың екіжақты сипатта екенін алға тартады", - деп түсіндірді департаменттің баспасөз қызметі өкілдері.

БҚО полиция департаментінің мәліметінше, күдікті аудан әкімдігінде бөлім қызметкері болған, шағым түскеннен кейін жұмыстан шығарылған.

Аудандық полиция бөлімі тергеу іс-шараларын жүргізуде, өзге ақпарат Қазақстан Республикасы Қылмыстық іс жүргізу кодексінің 201-бабына сәйкес жария етілмейді.

Іс полиция департаменті басшылығының бақылауында.

Мәтіннен қате тапсаңыз, бізге жазыңыз