Арыстағы төтенше жағдай: Оқиға орнынан суреттер жарияланды (фото, видео)

Түркістан облысы ТЖД Instagram-дағы ресми парақшасында Арыс қаласындағы апат орнынан фотолар мен суреттер жариялады, деп жазады KAZ.NUR.KZ тілшісі.

Жарияланған кадрлардан өрт сөндірушілердің тілсіз жаумен күресіп жатқанын көруге болады. Өңірдің Төтенше жағдайлар департаментінің мәліметінше, өрт сөндірушілер келгенше, сары фосфор тиелген вагондар өртке оранып үлгерген.

Әкімдік 1700 адамды қауіпті аймақтан Наурыз шағын ауданының барлық тұрғынын көшірген. Олардың 1050-і туыстарының үйіне орналасса, 650 адам эвакуациялық орындарға орналастырылатынын айтқан болатын.

Қазіргі таңда Түркістан облысы әкімінің орынбасары Сәкен Қалқаманов өрт толығымен сөндірілгенін және тұрғындардың денсаулығына еш қауіп жоқ екенін мәлімдеді.

Еске салсақ, кеше, 6 тамыз күні кешке Түркістан облысы Арыс қаласының теміржол вокзалында жүк пойызының контейнерінен өрт шыққан. Өңірде оқиғаның себептерін тексеру бойынша комиссия құрылып, алдын ала тексеріс қорытындысы бойынша жүк жөнелтуші тиеудің техникалық шарттарын бұзғаны анықталған.

Мәтіннен қате тапсаңыз, бізге жазыңыз