Кептеліс пен жалаңаяқ жүрген тұрғындар: Астанада жаңбырдан кейін даңғылдардың бірін су басып қалды (видео)

Астанада жаңбырдан кейін көшелерді қайтадан су басып, кейбір аудандарда көлік кептелісі пайда болды. Елорда тұрғындары әлеуметтік желіде су басқан даңғылдардан түсірілген видеолар мен фотосуреттерін жариялап жатыр, деп хабарлайды KAZ.NUR.KZ.

Telegram-дағы "Astanovka 98" арнасының жазылушылары Тұран даңғылында түсірілген бірнеше видео жіберген.

Ескерту! Видеода бейәдеп сөздер бар!

Әсіресе, Тұран мен Ұлы Дала даңғылдарының қиылысында қолғалыс қиындаған.

Кадрлардан көлік дөңгелектерінің жартысы судан көрінбей тұрғанын байқауға болады.

Толассыз жаңбырдан соң көпьеген көшелерде кептеліс болған.

Жаяу жүргіншілер жолынан өткен тұрғындар аяқ киімдерін шешіп, жалаң аяқ жолдан өтуге мәжбүр болған.

"Көліктер жүзіп жүр," - деп жазады астаналықтар.

Gismeteo мәліметінше, ертең Астанада күн тағы да бұлтты болып, жаңбыр жауады деп күтіледі.

Мәтіннен қате тапсаңыз, бізге жазыңыз