Алматының "жоғарғы" бөлігінде орналасқан танымал мейрамханада өрт шықты (видео)

Алматыдағы "Мимино" мейрамханасының жанындағы барбекю барында өрт шықты. Өрттен зардап шеккендер жоқ, деп хабарлайды қалалық Төтенше жағдайлар департаментіне сілтеме жасаған KAZ.NUR.KZ.

Алматы қаласы Төтенше жағдайлар департаменті баспасөз қызметінің хабарлауынша, бүгін Алматыдағы "Мимино" мейрамханасы өрттен құтқарылды.

"Сағат 17:16-да Алматы қаласы Төтенше жағдайлар департаментінің күштері мен құралдары күшейтілген номермен Бостандық ауданына жіберілді.

5 минуттан соң оқиға орнына жеткен кезде "Мимино" мейрамханасының жанындағы барбекю бөлмесінде 42 шаршы метр аумақта өрт шыққаны анықталды. Зардап шеккендер жоқ. Келгеннен кейін өрт 8 минут ішінде оқшауланып, 17:32-де толығымен сөндірілді", - деп хабарлады төтенше жағдай департаменті.

Еске салсақ, Алматыда 9 қабатты тұрғын үйдегі пәтерлердің бірінде өрт шыққанын хабарлаған едік. Тұрғын үйден адамдарды эвакуациялау жұмыстары жүргізілді.

Сондай-ақ, бұған дейін Алматыдағы Алатау ауданында орналасқан аспалы шамдар қоймасынан өрт шыққаны туралы хабарлаған болатынбыз.

Мәтіннен қате тапсаңыз, бізге жазыңыз