Өскеменде Жаңа жыл түні 7 адам өрттен құтқарылды
Опубликовано:
Өткен түні Өскемендегі көпқабатты үйлердің бірінен өрт шықты. Өрт сөндірушілер оқыс оқиғадан жеті адамды құтқарды, деп ТЖМ-ның баспасөз қызметіне сілтеме жасаған KAZ.NUR.KZ хабарлайды.
ШҚО-да пәтердегі өрт кезінде 7 тұрғын құтқарылып, эвакуацияланды. ТЖМ-ның Telegram арнасындағы ақпаратқа сәйкес, оқыс оқиға Өскемен қаласындағы Қазақстан көшесінде көпқабатты тұрғын үйде орын алған. Белгілі болғандай жетінші қабатта орналасқан пәтердің балконы жанған.
Оқиға орнына келген өрт сөндірушілер баспалдақ маршымен 7 тұрғынды, оның ішінде 2 баланы эвакуациялады. Құтқарушылар өртті жедел түрде 4 шаршы метр алаңда сөндірді.
Зардап шеккендер жоқ.
ТЖМ өкілдері азаматтардан өрт қауіпсіздігі ережелерін сақтауды, жағдайды өртке жеткізбеуді сұрайды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2207421-oskemende-zhanga-zhyl-tuni-7-adam-ortten-qutqaryldy/