Қарағандыда университет жатақханасынан өрт шықты: 10 адам ауруханаға жеткізілді

Қарағандыдағы Бөкетов атындағы университеттің жатақханасынан өрт шықты, түнде ғимараттың бірінші қабатында қоқыс шығаратын құбыр қызыл жалынға оранған, деп хабарлайды KAZ.NUR.KZ облыстық Төтенше жағдайлар департаментіне сілтеме жасап.

Қарағанды облысы Төтенше жағдайлар департаментінің баспасөз қызметі өкілдерінің хабарлауынша, 2 сәуір сағат 00:16-да Университетская көшесінде орналасқан академик Бөкетов атындағы Қарағанды университетінің 9 қабатты жатақханасында бірінші қабатта 1,5 шаршы метр аумақта қоқыс өртенген.

Төтенше жағдайлар департаменті өкілдері құтқару қалпақтарының көмегімен жатақханадан 4 адамды баспалдақпен төмен алып түсті. Өрт сағат 00:35-те сөндірілді.

"Алдын ала себеп – ашық өрт ошағы", - деді Қарағанды облысының ТЖД өкілдері.

Облыстық денсаулық сақтау басқармасындағылар 10 адам Мақажанов атындағы ауруханаға және облыстық балалар клиникалық ауруханасына жеткізіліп, кеңейтілген тексеруге жіберілгенін хабарлады.

"Науқастардың жағдайы түскен кезде тұрақты деп бағаланды, қазіргі уақытта нашарлап жатқан жоқ. Қосымша тексерулер жүргізіліп, кейін амбулаторлық емдеуге жіберу қарастырылып жатыр", - деп түсіндірді департаменттің баспасөз қызметі өкілі.