Алматы облысында әскери тікұшақ жоғалып кетті

Әлеуметтік желіде Алматы облысында ЕС-145 әскери тікұшағының жоғалып кеткені туралы ақпарат жарияланды. Хабарламада бортта үш экипаж мүшесі болғаны айтылады, деп хабарлайды KAZ.NUR.KZ.

"Алматы облысында 2025 жылғы 25 шілдеде Луговойдан ұшып шыққаннан кейін жоғалып кеткен ЕС-145 әскери тікұшағын іздестіру жұмыстары жүргізіліп жатыр. Бортта үш экипаж мүшесі болған. Олармен байланыс таңертең Отар маңында үзіліп қалған. Іздестіру-құтқару операциясына ТЖД, Қорғаныс министрлігінің күштері, РЖҚЖ (Республикалық жедел-құтқару жасағы) жұмылдырылған. Екі тікұшақ жіберілген", - делінген Telegram-дағы арналардың бірінде жарияланған хабарламада.

Әуе қорғанысы күштерінің баспасөз қызметі Sputnik Қазақстанға әскери тікұшақтың жоғалып кеткені туралы ақпаратты растаған.

Басылымның жазуынша, оны іздеуге Қорғаныс министрлігінің қосымша ұшақтары жіберілген.

Ведомствоның баспасөз қызметінің өкілдері кейінірек ресми ақпарат беретіндерін айтқан.

Мәтіннен қате тапсаңыз, бізге жазыңыз