Аға журналист

Алматының бірнеше ауданында тағы жарық сөнді

Опубликовано:17 қараша 2025, 12:09

Трансформаторлық қосалқы станциядағы ақау салдарынан үш ауданның тұрғындары уақытша жарықсыз отырды, сағат 9:13-те тұтынушылар электр желілеріне қосылды, деп хабарлайды қала әкімдігіне сілтеме жасаған KAZ.NUR.KZ тілшісі.

Әкімдіктің хабарлауынша, бүгін сағат 08:46-да ПС-7А "АХБК" – ПС-160А "Ерменсай" қосалқы станцияларының учаскесінде 110 кВ №110А және №111А электр беру желілері апатты түрде ажыратылды.

ПС-59А "Сайран", ПС-102А "АДК", ПС-6А "Геологстрой", ПС-43А "Южная" қосалқы станциялар өшірілді.

Келесі аудандардағы тұтынушыларға электр қуатын беру ішінара тоқтатылды: Бостандық ауданы (әл-Фараби, Розыбакиев, Жандосов, Жароков көшелерінің арасында жатқан аудан); Әуезов ауданы (Саин, Жандосов, Абай, Розыбакиев көшелерінің аумағы); Алмалы ауданы (Райымбек даңғылы, Тілендиев көшесі, Төле би көшесі, Өтеген батыр көшесі аумағы).

Трансформаторлық қосалқы станциядағы өрт туралы таралып жатқан ақпарат расталмаған және шындыққа сәйкес келмейді", - деп хабарлады әкімдік.

Жарықтың сөну себебі – 110 кВ-тық Л-110А электр желісінің соңғы муфтасының жануы.

Сағат 9:13-те барлық тұтынушы электр желісіне қосылды, деп хабарлады әкімдік өкілдері.

Бұған дейін Алматының Әуезов ауданындағы трансформаторлық қосалқы станцияда өрт шыққаны хабарланған еді. Куәгерлер алдымен жарылыс дыбысын естігенін, артынша электр жарығы сөнгенін айтқан.

Мәтіннен қате тапсаңыз, бізге жазыңыз