Аға журналист

Түркістан облысындағы өрт: қаза тапқан балаларға қатысты деректер шықты

Опубликовано:18 қараша 2025, 12:03

өртенген үй — Өрттен зақымданған үй. Көрнекі фото: Kyle Mazza/Anadolu via Getty Images

Жергілікті әкімдік өкілдері Жетісай ауданы Алғабас ауылындағы өрттен қаза тапқан тоғыз баланың ең кішісі 2024 жылы туған бала екенін хабарлады. Көз жұмған балалардың бесеуі – бір үйдің балалары, деп хабарлайды KAZ.NUR.KZ Sputnik Қазақстанға сілтеме жасап.

Жергілікті әкімдіктің мәліметінше, 2009, 2010, 2012, 2015, 2017, 2019, 2021 және 2024 жылы туған тоғыз бала қайтыс болды.

Қайтыс болған бес бала бір үйдің балалары, олардың үшеуі – қыз, екеуі – ұл. Екінші отбасынан 2018 жылы туған бір қыз аман қалды. Екі ересек адам жансақтау бөлімінде жатыр.

Естеріңізге сала кетейік, бүгін таңертең Түркістан облысы Алғабас ауылында орналасқан екі қабатты жеке тұрғын үйден өрт шығып, салдарынан 12 адам көз жұмды. Олардың тоғызы – бала.

Ес-түссіз күйдегі тағы үш адам жедел медициналық жәрдем бригадасына тапсырылған.

Қайғылы оқиғаға байланысты президент Қасым-Жомарт Тоқаев көңіл айтып, үкімет пен облыс әкіміне тапсырма берді.

Кейінірек балалар омбудсмені Динара Закиева өртке қатысты жаңа деректерді бөлісті.

Полиция өрт фактісі бойынша "Өрт қауіпсіздігі талаптарын бұзу" бабымен қылмыстық іс қозғады, сондай-ақ өрттің себептерін тергеу жөніндегі үкіметтік комиссия құрылды.

Ал өрттен зардап шеккен үш адам – екі ересек және бір бала жансақтау бөлімінде жатыр, жағдайлары ауыр, бірақ тұрақты.

Мәтіннен қате тапсаңыз, бізге жазыңыз