Алматыдағы пойызда 52 адам уланып қалды: полиция қылмыстық іс қозғады

Көліктегі полиция департаментінің өкілдері Алматыда 52 адамның улану оқиғасына қатысты қылмыстық іс қозғалғанын хабарлады. Бұл туралы ведомствоның баспасөз қызметіне сілтеме жасаған KAZ.NUR.KZ хабарлайды.

Ішкі істер министрлігіне қарасты Көлітегі полиция департаментінің өкілдері пойызда 52 адамның улануына қатысты тергеу барысы қалай өтіп жатқанын мәлімдеді.

"Алматы-1 станциясындағы желілік полиция басқармасы ҚР Қылмыстық кодексінің 156-бабы "Еңбекті қорғау қағидаларын бұзу" бойынша қылмыстық істі тіркеді.

Қазіргі уақытта оқиғаның барлық мән-жайын анықтау үшін қажетті тергеу әрекеттері жүргізіліп жатыр, оның қорытындысы бойынша заңға сәйкес процессуалдық шешім қабылданады", - делінген ресми хабарламада.

Өзге ақпарат Қылмыстық-процестік кодекстің 201-бабына сәйкес жария етуге жатпайды.

Айта кетейік, бұған дейін Алматыдағы пойызда 52 адамның уланып қалғанын хабарлаған болатынбыз. Оқыс оқиғадан зардап шеккендердің 10-ы - бала, 2 бала жансақтау бөлімінде жатыр.

Мәтіннен қате тапсаңыз, бізге жазыңыз