Астанадағы 13 қабатты ғимараттан түнде 70-тен астам адам эвакуацияланды (видео)

18 ақпанда түнде Астанадағы Айнакөл көшесінде орналасқан 13 қабатты тұрғын үйде өрт шықты. 70-тен астам адам эвакуацияланды, деп хабарлайды KAZ.NUR.KZ Төтенше жағдайлар министрлігіне сілтеме жасап.

Ведомствоның Telegram арнасында жарияланған ақпаратқа сәйкес, Астанада өрт кезінде 74 адам эвакуацияланды.

"Түнде Астанада қаласы Айнакөл көшесінде 13 қабатты тұрғын үй паркингінің қосалқы үй-жайында өрт шықты.

Оқиға орнына ТЖМ бөлімшелері жедел түрде келді. Қауіпсіздікті қамтамасыз ету мақсатында тұрғындарды эвакуациялау ұйымдастырылды. Түтін аймағынан 74 адам, оның ішінде 26 бала эвакуацияланды", - делінген ТЖМ хабарламасында.

Министрлік мәліметінше, өрт толығымен сөндірілді.

Мәтіннен қате тапсаңыз, бізге жазыңыз