Алматы облысындағы тасжолда қалалық басқарма басшысының орынбасары қаза тапты

Алматы облысында оқыс оқиға болып, салдарынан Шымкент қалалық жайлы ортаны дамыту басқармасы басшысының орынбасары Мақсат Абдукадиров қаза тапты, деп хабарлайды Elitar.kz басылымы.

Басылым мәліметінше, жол-көлік оқиғасы 18 желтоқсанда "Алматы-Бішкек" тасжолының Беріктас ауылының маңында болған.

Жол апаты туралы ақпаратты Алматы облыстық полиция департаменті журналистерге растады.

Басылым жазуынша, Lexus көлігінің жүргізушісі Мақсат Абдукадиров айналма жолға шығып бара жатып, рөлді басқара алмай, қарсы жолаққа шығып кетіп, айналма жолдан шығып бара жатқан VOLVO FN жүк көлігімен соқтығысқан.

Мақсат Абдукадиров оқиға орнында көз жұмды. Тағы төрт адам, оның ішінде бес жастағы және екі жастағы екі бала ауруханаға жеткізілді.

Жүк көлігі жүргізушісінің жағдайы белгісіз.

Шымкент қаласы жайлы қалалық ортаны дамыту басқармасының ресми сайтындағы мәлімет бойынша Мақсат Абдукадиров 2022 жылғы қаңтардан бастап бұл қызметке тағайындалған.

Мәтіннен қате тапсаңыз, бізге жазыңыз