Оралда жедел жәрдем көлігі жеңіл көлікпен соқтығысып, бір адам қаза тапты

Дүйсенбі, 1 шілде түнде Оралда жедел жәрдем көлігі мен жеңіл көлік соқтығысты, деп хабарлайды "Мой город".

Басылым мәліметінше, жол апаты сағат 22:00-де Черекаев көшесінде болған.

БҚО полиция департаментінің баспасөз қызметі жолда ВАЗ-21099 көлігі мен Hyundai маркалы жедел жәрдем көлігі соқтығысқанын хабарлады.

Оқиға салдарынан жеңіл көлік жүргізушісі ауруханаға бара жатқан жолда көз жұмған. Сол көліктің жолаушысы ауруханаға жатқызылды.

Қазір мамандар апаттың барлық мән-жайын анықтап жатыр, тергеу амалдары жүргізілуде.

Мәтіннен қате тапсаңыз, бізге жазыңыз