Ақмола облысында 95 көліктің қатысуымен болған жол апатынан 11 адам зардап шеккен (видео)
Опубликовано:
Ақмола облысында 95 көліктің қатысуымен болған жол апатынан 11 адам зардап шеккен. Бұл туралы KAZ.NUR.KZ өңірлік ПД баспасөз қызметіне сілтеме жасап хабарлайды.
Ақмола облыстық ПД Instagram-дағы мәліметіне сүйенсек, жаппай жол апаты салдарынан Бұланды аудандық ауруханасына түрлі жарақаттармен 11 адам жүгінген, олардың төртеуі ауруханаға жатқызылған.
Қазіргі уақытта жол учаскесінде зардаптарды жою жұмыстары жалғасуда, жергілікті жерде полиция қызметкерлері, төтенше жағдайлар қызметі және "ҚазАвтоЖол" мамандары жұмыс істеп жатыр.
Полицейлердің мәліметінше, елорда бағытында 400-ге жуық автокөліктен тұратын колоннаны алып жүру ұйымдастырылған.
Айта кетейік, осыған дейін Астана маңындағы тасжолда 40-қа жуық көліктің соқтығысқаны белгілі болған еді. Көп ұзамай жаппай жол апатына түскен көліктер саны 95-ке жетті.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2207846-aqmola-oblysynda-95-kolikting-qatysuymen-bolgan-zhol-apatynan-11-adam-zardap-shekken-video/