Алматы облысында үндістандық екі студент жол апатынан көз жұмды: полиция мән-жайды айтты

Алматы облысы аумағында тас жолда көлік аударылды. Жол апаты салдарынан үш адам қаза тапты, деп хабарлайды KAZ.NUR.KZ Полиция департаментіне сілтеме жасап.

Instagram желісіндегі kris_p_almaty парақшасында тас жолда жол апаты болған сәтте куәгер түсірген видео жарияланды. Кадрға көліктің өртке оранғаны, сондай-ақ жарылыс болып жатқаны ілінген.

Алматы облыстық полиция департаменті NUR.KZ тілшісіне Алматы - Бішкек тас жолының 86-шы шақырымында болған жол-көлік оқиғасына байланысты қылмыстық іс қозғалғанын хабарлады.

"Алдын ала мәліметтер бойынша, Toyota Alphard көлігінің 33 жастағы жүргізушісі рульді игере алмай қалып, көлік аударылып кеткен.

Апат салдарынан жүргізуші алған жарақаттарынан оқиға орнында қайтыс болды. Кейінірек екі жолаушы медициналық мекемеде қайтыс болды, ал тағы үшеуі түрлі жарақаттармен ауруханаға жатқызылды", - деді полиция өкілдері.

Қазіргі уақытта оқиғаның толық мән-жайын анықтау үшін барлық қажетті тергеу іс-шарасы жүргізілуде.

Үндістанның Қазақстандағы елшілігінің хабарлауынша, жол апатына түскен Үндістанның бес азаматы. Ведомствоның мәліметінше, оқиға орнында екі адам көз жұмған, үш адам жансақтау бөлімінде.

Посмотреть эту публикацию в Instagram

Публикация от Kris P Almaty (@kris__p__almaty)

Мәтіннен қате тапсаңыз, бізге жазыңыз