Ақтөбе облысында жол апатынан төрт адам мерт болды
Опубликовано:
Ақтөбе облысында жол апатынан төрт адам қаза тапты. Жол-көлік оқиғасы фактісі бойынша сотқа дейінгі тергеп-тексеру басталды, деп хабарлайды өңірлік ПД-ға сілтеме жасаған KAZ.NUR.KZ.
Полицияның Instagram-дағы ресми парақшасында жарияланған мәлімет бойынша, жол апаты Қарғалы ауданында болған.
"Алдын ала мәліметтерге сәйкес, Ақтөбе–Орск автожолында Opel маркалы жеңіл автокөліктің жүргізушісі қарсы қозғалыс жолағына шығып, DAF маркалы жүк көлігімен соқтығысқан.
Жол-көлік оқиғасы салдарынан жеңіл автокөліктің жүргізушісі мен үш жолаушысы оқиға орнында көз жұмған", - делінген хабарламада.
Қазіргі уақытта оқиға орнында жедел-тергеу тобы жұмыс істеп жатыр, оқиғаның мән-жайы мен себебі анықталуда.
Полиция департаменті жол қозғалысына қатысушыларды жол қозғалысы ережелерін қатаң сақтауға, қауіпсіз жылдамдықты таңдауға, сондай-ақ қарсы қозғалыс жолағына шығуға жол бермеуге шақырады. Полиция мұндай әрекеттер көбіне ауыр зардаптарға әкеп соғатынын еске салады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2341833-aqtobe-oblysynda-zhol-apatynyn-tort-adam-mert-boldy/