Анаргүл Құдайбергенова ұсынған екі-ақ түрлі көкөністен жасалатын ең жеңіл салат
Опубликовано:
Үй жағдайында бар жоғы екі көкөністен жасалатын ең жеңіл салатты қалай әзірлеуге болады? Бүгінгі рецепттен білетін боласыздар.
- Анаргүл Құдайбергенова екі көкөністен жасалатын оңай салат рецептін ұсынады.
- Салат құрамында орамжапырақ, қызылша, сарымсақ және дәмдеуіштер бар.
- Дайындау процесі қарапайым: көкөністерді турап, банкаға салып, қайнаған суға тұз, қант және сірке суын қосып құяды.
Күз мезгілінде иммунитетті көтеретін пайдалы әрі құнарлы салаттарды әзірлеген абзал. Танымал фудблогер Анаргүл Құдайбергенова бар-жоғы екі көкөністен тұратын, жасалу жолы оңай салатты назарларыңызға ұсынады.
Сипаттамасы
Асхана: славян
Санаты: тіскебасар
Дайындалу уақыты: 10 минут
Дайын болу уақыты: 5 минут
Құрамы
Орамжапарық - 0,5 дана
Сарымсақ - 4 тісше
Қызылша (шикі) - 1 дана
Қара бұрыш - дәміне қарай
Су -1 л
Қант - 2 ас қасық
Тұз - 1 ас қасық
Сірке суы - 1 шай қасық
Дайындалуы
1. Орамжапырақты тураймыз
Орамжапырақты ірілеу етіп турап, ыдысқа саламыз.
2. Қызылшаны үккіштен өткіземіз
Шикі қызылшаның қабығын аршып аламыз. Сосын ірілеу үккіштен өткізіп, салатқа дайындап қоямыз. Сарымсақты да қабығынан аршып, ірілеу етіп тураймыз.
3. Банкаға көкөністерді саламыз
2 литрлік банкаға алдымен сарымсақты саламыз. Сосын дөңгелек қара бұрышты саламыз. Одан кейін туралған орамжапырақ пен қызылшаны кезекпен саламыз.
4. Салаттың суын дайындаймыз
Отқа кастрюльге су құйып, қайнатамыз. Оған бір ас қасық тұз, қант пен бір шай қасық сірке суын қосып, жақсылап араластырамыз. Су қайнаған соң, оны банкаға құямыз. Бетін жауып, салқын жерге бір тәулікке қоямыз. Салат қытырлақ әрі дәмді болып шығады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/food/recipes/2188391-anargul-qudaibergenova-usyngan-eki-aq-turli-kokonisten-zhasalatyn-eng-zhengil-salat/