Қант диабетіне шалдыққандар қандай азық-түлікті пайдаланғаны дұрыс?

Қант диабетімен ауыратын адамдардың тамақтану тәртібіне қатаң түрде шектеу қойылған. Олар көптеген сүйікті тағамдарынан бас тартуға мәжбүр болады. Алайда, сусамыр ауыруына тап болғандар ештене жемейді деген сөз емес. Оларға да пайдалы азық-түлік түрлері бар деп хабарлайды telegraf.com-ға сілтеме жасаған NUR.KZ.

Диабет ауруына шалдыққандардарға пайдалы азық-түлік түрлері жайлы келелі кеңес.

Авокадо.

Авокадо құрамындағы Омега-3 май қышқылының көмегімен қан құрамындағы қант мөлшерін азайтады.

Жаңғақтар.

Жаңғақтар өсімдік ақуызы мен қанықпаған майлы қышқылдардың ең оңтайлы әрі қолайлы қайнар көзі болып табылады.

Қарабидай нан.

Оның құрамында қант пен ашытқы атаулысы болмайды. Қарабидай қан тамырларының тазаруына себепкер болып, глюкоза деңгейін қалыпқа келтіреді.

Асқабақ дәндері.

Асқабақ дәндерінде Омега-3 пен магний көп мөлшерде болады. Олар өз кезегінде глюкоза деңгейі мен қан құрамындағы холестериннің шамадан тыс асып кетуіне жол бермейді.

Чиа дәндері.

Антиоксиданттар мен жасұнықтар арқасында бұл дәндер сусамыр емінде таптырмас азық болып саналады.

Құлпынай.

Құлпынай құрамында кездесетін С витамині диабетке шалдығу қаупін азайтуға қауқарлы. Сол себепті бұл дертпен ауырмайтындарға оны көп мөлшерде жеуге кеңес береміз. Ал сусамырға щалдыққан жандар үшін құлпынай глюкоза мөлшерін бақылауға көмектеседі.

Корица.

Ол қан құрамындағы жаман холестерин мен қант мөлшерін азайтуды тез арада іске асырады.

Қызанақ.

Қызанақтар қан тамырын тазартып, адам ағзасындағы глюкозаның шарықтап кетуіне кедергі жасайды.

Саумалдық (шпинат)

Ол калийдің нағыз қайнар көзі. Сусамырға щалдыққандар үшін таптырмас өсімдік.

Зімбір.

Ол ағзаның ісінуін тоқтатып, артық қантты жойып тастауға елеулі септігін тигізеді.

Мәтіннен қате тапсаңыз, бізге жазыңыз