Top.Mail.Ru

Сайт нұсқасы

ru kz

Зектілері

Қазақстанда дәрі-дәрмекті таңбалау және бақылау жүйесі енгізіледі

Опубликовано:

Дәріхана
Көрнекі фото: NUR.KZ/Петр Карандашов

Еліміздің медицина нарығында дәрі-дәрмекті таңбалау және бақылау жүйесі енгізіледі. Бұл туралы денсаулық сақтау министрі Ажар Ғиният мәлімдеді, деп хабарлайды Sputnik Қазақстан.

Оның сөзінше, биыл импортты алмастыруды арттыру аясында дәрі-дәрмек пен медициналық бұйымдарды шығару бойынша кемінде 5 жаңа өндірісті іске қосу жоспарлануда.

"Соның ішінде Big Pharma-ны тарта отырып, отандық фармацевтика өнімін халықаралық нарықта тану үшін ұлттық реттеушіні дамытуды, дәрі-дәрмек пен медициналық бұйымдар айналымының барлық процесін цифрландыруды, дәрілік заттарды таңбалау мен бақылау жүйесін енгізуді көздеп отырмыз", - деді Ғиният.

Препараттарды таңбалау және бақылау жүйесі 2023 жылғы 1 қаңтардан бастап енгізілмек. Бұл шараларды іске асыру нәтижесінде бірыңғай дистрибьютор арқылы дәрі-дәрмек пен медициналық бұйымдарды сатып алудың жалпы көлеміндегі отандық өндіріс үлесі 37%-ке дейін өседі деп болжанып отыр.

Қазіргі уақытта фармацевтика нарығының жалпы көлемі 765,3 миллиард теңгені, оның ішінде отандық тауар өндірушілер 121,1 миллиард теңгені құрайды. Бірыңғай дистрибьютор арқылы сатып алу көлемі – 244,9 миллиард теңге, отандық тауар өндірушілерден – 90,6 миллиард теңге.

Министрліктің мәліметінше, отандық тауар өндірушілер саны – 88 кәсіпорын. Оның ішінде дәрі-дәрмек өндірушілер – 32, медициналық бұйымдар мен техниканы шығаратындар – 56.

Дәрілік заттар мен медициналық бұйымдар тізбесіне сәйкес Бірыңғай дистрибьютор дәрі-дәрмектің 91%-ін сатып алды. Бұл дәрілік заттар мен медициналық бұйымдардың 1 496 позициясы.

Министр қазіргі уақытта Бірыңғай дистрибьютордың қоймаларына 1 346 позиция немесе 90% түскенін жеткізді.

Мақаланың түпнұсқасы: https://kaz.nur.kz/health/1958481-qazaqstanda-dari-darmekti-tanbalau-zane-baqylau-zuiesi-engiziledi/