Жүктіліктен медициналық тәсіл арқылы сақтанудың кемшіліктері мен артықшылықтары қандай

Опубликовано:

жүктілік
Аяғы ауыр келіншек. Көрнекі сурет: pixabay.com

Дәрігерлер жүктіліктен сақтанудың ең тиімді жолы - спираль қою екенін жиі айтады. Алайда оның пайдасы мен қатар зияны да болуы мүмкін. Осы орайда KAZ.NUR.KZ жүктіліктен сақтанудың бұл тәсілінің ерекшеліктерін зерттеп, назарларыңызға төмендегі материалды ұсынуды жөн көрді.

Жатыр ішіне қойылатын спираль түрлері мен олардың ерекшеліктері

Жатыр ішіне қойылатын спираль (ЖІҚС) – дәрігер жатырға салып беретін, жүктіліктен қорғайтын контрацептив түрі болып саналады. ЖІҚС жатырға спермотозоидтардың өтуіне тосқауыл қоятын арнайы құрылғы. Ол жүктіліктен 10 жыл мерзімге дейін сақтауы мүмкін. ЖІҚС қою процесі дәрігердің кабинетінде жүзеге асырылады. Процедура бар-жоғы 15 минутқа созылады, дейді медицина докторы Трейси С. Джонсон. Контрацептивтің бұл түрінің жүктіліктен сақтау тиімділігі 95 пайызды құрайды.

ЖІҚС қалай жұмыс істейді? Спираль - Т әрпі тәрізді металл мен пластиктен жасалған бұйым. Оны жатыр ішіне аппликатор көмегімен енгізеді.

ЖІҚС спираль:

  • Гормоналды емес (металлдан жасалған)
  • Гормоналды (плистиктен жасалған) болып екіге бөлінеді.

Cпиральді жасау үшін түрлі материалды қолданады. Мысалы мыс, күміс және алтын. Соның ішінде мыс спираль сұранысқа ие, себебі ол тиімді әрі қолжетімді. Мыстан жасалған спиральді 3-5 жыл қолдануға болады.

Күміс пен алтыннан жасалған бұйымдар суық тиюден қорғайды. Күміс спиральдарды тот баспайды, сол себепті оны 7 жылға дейін қолдануға болады. Ал гиппоаллергенді алтыннан жасалған спиральдарды 9 жылға дейін қолдануға болады. Гормоналды ЖІҚС пластиктен жасалады және оның резервуарында левоноргестрел атты гормон, яғни дәрі болады.

ЖІҚС әйел денсаулығына қалай әсер етеді? Гормоналды құрылғы гормоналды жүйе мен етеккірдің келу мерзімін өзгертуі мүмкін. Спираль алынғаннан кейін, цикл қайтадан қалпына келеді. Құрамында металлы бар спираль түрлері менструалды циклды бұзбайды, бірақ оның келу уақытын тежейді. ЖІҚС-ты қолдану жасөспірімдер үшін зиян болуы мүмкін. Дәрігер Эллен Смиттің зерттеулері бойынша, жасөспірімдерге спираль салу кіші таз жүйесіне суық тию аурулары мен бедеулікке әкелген жағдайлар тәжірибеде көп кездескен.

Жүктілік тесті
Жүктілік тесті. Көрнекі фото: pexels.com

Спиральдардың артықшылықтары мен кемшіліктері

Медицина докторы Брунильда Назарио ЖІҚС-дың басты артықшылықтары төмендегідей дейді:

  • тиімділігі жоғары;
  • жүктілікті ұзақ мерзім бойы бақылауда ұстау;
  • спиральді орнату мен алып тастаудың қарапайым процедурасы;
  • спиральды кез келген уақытта алып тастау мүмкіндігі;
  • жайлылық, ауырсыну белгілерінің болмауы;
  • металл ЖІҚС ағзаға әсер етпейді;
  • спиральді алып тастағаннан кейін дүниеге сау баланы дүниеге әкелуге болады.

Спиральдың тиімділігі 92-98% құрайды. Бұл контрацепцияның ең тиімді түрі және ол 3 жылдан 9 жылға дейін қызмет етеді.

Спиральдың зияны қандай:

  • етеккірдің көп мөлшерде келуі;
  • етеккір циклінің өзгеруі;
  • іштің төменгі бөлігіндегі ауырсынулар;
  • спиральдің өздігінен түсіп қалуы.

Жатыр ішіне салынатын спираль несімен қауіпті? Басты қауіп - жұқпалы ауруларды жұқтыру қаупі. Спиральды орнату кезінде патогендік микроорганизмдер ағзаға енуі мүмкін. Сонымен қатар, контрацепцияның бұл түрі жыныстық жолмен берілетін аурулардан қорғамайды.

Орнатудан кейінгі алғашқы күндерде қабыну болуы мүмкін. Жалпы спиральді орнатқаннан кейін асқынулар сирек кездеседі. Егер сіз келесі белгілерді байқасаңыз, дәрігерге шұғыл түрде қаралуыңыз керек:

1. жүктілік туралы күдік болса;

2. қатты қан кету;

3. дене температурасы көтерілсе;

4. дірілдеп, тоңсаңыз;

5. қынаптан жағымсыз иістің шығуы;

6. бас ауруы, сақина ұстап қалу;

7. жыныстық қатынас кезінде ауырсыну.

Спиральды енгізгеннен кейін алғашқы 4-5 күнде сіз:

  • жыныстық қатынасқа түсе алмайсыз;
  • душ қабылдауға болмайды;
  • ваннаға және саунаға баруға болмайды;
  • вагинальды тампондарды қолдануға болмайды

Сонымен қатар, физикалық белсенділікті шектеу, лактивті заттар мен диуретиктерді қабылдамауға кеңес беріледі. Спиральді жүктілік кезінде, сондай-ақ жатырдың қатерлі ісігі болған кезде орнатуға болмайды. Сонымен қатар қан кету уақытында да спиральді салуға кеңес берілмейді. Алдымен қан кету себебін анықтап, оны жою керек, содан кейін спиральды орнатуға болады.

Жатыр ішіне қойылатын спираль - контрацепцияның ең тиімді әдістерінің бірі, және ол денсаулыққа зиян келтірмейтін ең тиімді құрал болып табылады. Бұл әдіс жүктіліктен сақтанудың ең тиімді жолы екенін ұмытпаңыз.

Назар аударыңыз! Материалда айтылған кеңестерді тек дәрігер рұқсатымен қолдануға болатынын естен шығармаңыз.

Дереккөздер:

  1. Brunilda Nazario. Using a Copper IUD for Emergency Contraception // WebMD. — 2021. — 22 January. — Қолжетімділік режимі: https://www.webmd.com/sex/birth-control/features/iud-emergency-contraception
  2. Ellen Smith. A clinical guideline for intrauterine device use in adolescents // PubMeD. — 2012. — 24(8). — Қолжетімділік режимі: https://pubmed.ncbi.nlm.nih.gov/22845027/
  3. Stephanie Long. Intrauterine Device Insertion and Removal // PubMeD. — 2021. — 48(4). — Қолжетімділік режимі: https://pubmed.ncbi.nlm.nih.gov/34752267/
  4. Traci C. Johnson. IUD Insertion: What to Expect // WebMD. — 2021. — 17 April. — Қолжетімділік режимі: https://www.webmd.com/sex/birth-control/iud-insertion

Мақаланың түпнұсқасы: https://kaz.nur.kz/health/1988758-zuktilikten-medicinalyq-tasil-arqyly-saqtanudyn-kemsilikteri-men-artyqsylyqtary-qandai/