Талғарда ауыр дертке шалдыққан жасөспірім Түркияда қымбат тексеруден өтуге мәжбүр

13 жастағы Мақпал есімді талғарлық жасөспірім қансырау ауруына шалдыққанына бірнеше жыл болды. Медицина қызметкерлерінің айтуынша, жасөспірімде иммун тапшылығы болуы мүмкін. Қыз толық медициналық тексерістен өтуі үшін отбасы Түркияға баруға мәжбүр. Бірақ Мақпалдың ата-анасы шетелге барып қайту жолақысы тым қымбат екенін айтты, деп хабарлайды KAZ.NUR.KZ.

Ата-анасының айтуынша, Мақпал қарапайым бала сияқты өскен, тіпті оқу мен спорттан жетістіктерге жетіп, түрлі үйірмеге қатысқан. Бірақ 2017 жылы оның мұрнынан қатты қан аға бастағаны байқалған. Содан соң бала ауруханаға жатқызылды. Медицина қызметкерлері жасөспірімнің сүйек кемігі пункциясын жасап, "иммундық тромбоцитопениялық пурпура" диагнозын қойған.

Емдеуден кейін жасөспірімде уақытша ремиссия болған, яғни жағдайы сәл жақсарған, бірақ 2018 жылдың желтоқсанында балада қайтадан қансырау байқалып, бөртпесі шығып, денесінде көгерулер пайда бола бастаған. Кейін баланы емдеудің екінші кезеңі басталды. Алайда екінші рет қабылданған ем тек уақытша нәтиже берген. Баланың денесінде жаңа көгерулер мен петехия, геморрагиялық бөртпе пайда болып, ол жиі қансырай берген.

"Біз Мәскеуге Рогачев атындағы институтқа ұшамыз деп ұйғардық. Сол жерде диагнозды растап, терапиядан өткізген, бірақ ол оң нәтиже берген жоқ. 2020 жылы сүйек кемігінің трепанобиопсиясы жасалып, оған "миелодиспластикалық синдром" диагнозы қойылды. Қызым жиі жұқпалы ауруларға шалдыға бастады. Содан кейін Түркияға баруды жөн көріп едік, ол жақта "МДС" диагнозы расталған жоқ.

Тексеруден кейін "Виллебранд ауруының қосалқы иммундық тромбоцитопения" диагнозы қойылды. Қазақстанға оралғалы Түркия дәрігерлері ұсынған дәрілермен емдеуді бастадық, бірақ жарты жылдан кейін ол да ағзасына әсер етуден қалды. Бала жиі қансырайтын, тіпті 2-3 күнге созылатын. Сондай-ақ қан компоненттерін құю барысында ол С гепатитін жұқтырып алды", – дейді қыздың анасы Алия Ислямова.

Кейін аталған симптомдардан бөлек, Мақпалдың сүйегі де сына бастаған. Сонымен қатар дәрігерлердің айтуынша, қыз бала D дәруменін сіңіре алмайтыны анықталған, ал 2023 жылы оған "ювенильдік артрит" диагнозы қойылған.

"Бала 7 жыл бойы ауруханалардан шықпай қойды, ағзасы күн сайын әлсіреуде, алған емі тек уақытша нәтиже береді. Қансырау мен сүйегінің сынуы, ауыр инфекциялардың салдарынан дәрігер-гематологтар "бірінші деңгейлі иммунитет тапшылығы" болжамды диагнозын қойды.

Диагноз қою үшін Қазақстанда жүргізілмейтін генетикалық және иммунологиялық тексерулер жүргізу қажет. Біз оның толық тексеруден өтуі үшін әрі диагноз қойылып, дұрыс ем тағайындалуы үшін Стамбұлға қайта ұштық. Қазір 2,3 миллион теңге керек", – деп түйіндеді анасы.

Реквизиттер:

Kaspi: 4400 4302 8479 4606

Halyk: 4405 6397 2981 7989

Банктік карталар мына нөмірге тіркелген: +7 707 349 0751

Ислямова Алия (анасы)