Павлодар облысында ІІМ курсанттары ауруханаға түсті

Ішкі істер министрлігінің Павлодар облысындағы оқу мекемесінің курсанттары Сұлтанов атындағы облыстық ауруханасына түсті, деп хабарлайды Кazinform.

Агенттіктің облыстық денсаулық сақтау басқармасына сілтеме жасап жазуынша, 29 қарашада ҚР ІІМ Қылмыстық-атқару жүйесі комитеті орталығының курсанты – 18 жастағы қыз ауруханаға жеткізілген. Тағы 10 курсант 1 желтоқсан күні кешқұрым түскен.

Оларға қойылған диагноз – ауырлығы орташа дәрежедегі жұқпалы респираторлы вирустық инфекция (ЖРВИ), өткір ринофарингит.

Барлығынан анализ алынып, ем-дом тағайындалған. Курсанттар ауруханаға жатқызылған.

"Қазір барлығының жағдайы тұрақты", - деп мәлім еткен агенттікке облыстық денсаулық сақтау басқармасының баспасөз қызметінен.