"СҚ-Фармация" жабыла ма: министр Ақмарал Әлназарова жауап берді
Жарияланған күні:
![Ақмарал Әлназарова Ақмарал Әлназарова](https://cdn.nur.kz/images/1120x630/e7e9be705249c63a.jpeg)
Денсаулық сақтау министрі Ақмарал Әлназарова Сыбайлас жемқорлыққа қарсы іс-қимыл агенттігі анализдерінде жемқорлық тәуекелдері көп деп танылған "СҚ-Фармацияны" жабуға қатысты журналистер сұрағына жауап берді. Бұл туралы KAZ.NUR.KZ тілшісі хабарлайды.
Үкімет отырысы аясында өткен баспасөз мәслихатында журналистер "СҚ-Фармацияны" жабу туралы мәселені көтерді.
"Біз жалпы сіздердің сыныңызбен де, агенттіктің анализімен де келісеміз. Кемшіліктермен жұмыс істеп жатырмыз. "СҚ-Фармациядан" бас тартатын болсақ, оның функциясын жергілікті атқарушы органдарға жүктеледі. 2018 жылға дейін мұндай тәжірибе бізде болған. Әр медициналық мекеме өзі бөлек сатып алған кезде көп алып қоюы мүмкін. Сонымен қатар дәріні көп көлемде алған кезде бюджетті үнемдеуге тиімді. "СҚ-Фармацияның" құрылған кезінен бастап 200 миллиард теңге үнемделген", - деді ол.
Ол сондай-ақ Антикордың тексерісі айта кетті.
"Сыбайлас жемқорлыққа қарсы агенттік "СҚ-Фармацияны" ғана емес, Ұлттық дәрі-дәрмекті сынақтан өткізу ұлттық ғылыми орталығы, министрліктің фармацевтикалық бақылау департаментін де тексеруден өткізді. Жүйелі құқық бұзу екі органда да анықталды. Қажетті кадрлық шешімдер қабылданды. Дәрі-дәрмекті, қажетті жабдықты сатып алу басқа методолгиямен жүргізілетін болады. Осыған қатысты министрліктің бұйрықтарын қарастыратын боламыз", - деді министр.
Мақаланың түпнұсқасы: https://kaz.nur.kz/health/2138469-sk-farmatsiia-zhabyla-ma-ministr-aqmaral-alnazarova-zhauap-berdi/