12511-ге жетті: Қазақстанда коронавирус жұқтырған тағы 199 адам анықталды

Елімізде тағы 199 адамнан коронавирус инфекциясы анықталды. Осылайша, Қазақстанда COVID-19 жұқтырғандар саны 12 511-ге жетті деп хабарлайды KAZ.NUR.KZ порталы coronavirus2020.kz сайтына сілтеме жасап.

"Қазақстандағы 2020 жылғы 5 маусымдағы коронавирус инфекциясы бойынша эпидемиологиялық ахуал туралы:

Өткен тәулікте елімізде қауіпті дертке шалдыққан, ауру белгілері бар 199 адам тіркелді (өсім қарқыны – 1,6%), оның ішінде:

Нұр-Сұлтан қаласында – 37 (1,6%); Қарағанды облысында - 33 (3,1 %); Алматы қаласы – 31 (1,1%); Ақтөбе облысында – 15 (4,0%); Павлодар облысында – 13 (5,7%); Атырау облысы – 11 (0,9 %); Шығыс Қазақстан облысында - 9 (5,4%); Алматы облысында – 9 (2,2%); Жамбыл облысында – 9 (2,2%); Батыс Қазақстан облысында – 8 (1,0%); Шымкент қаласында – 8 (0,9%); Маңғыстау облысында – 4 (1,3%); Қызылорда облысында – 4 (0,9 %); Қостанай облысында – 3 (1,5%); Түркістан облысында – 3 (0,8%); Ақмола облысы – 2 (1,2%) адамнан COVID-19 инфекциясы анықталды", - делінген ресми хабарламада.

Естеріңізге сала кетсек, соңғы деректер бойынша, әлем елдерінде коронавирус жұқтырғандар саны 6,6 миллионнан асты.

Дүниежүзілік денсаулық сақтау ұйымы еуропалық бюросының директоры Ханс Клюге бірқатар елдерде, соның ішінде Қазақстанда инфекция жұқтыру деректерінің көбею себептеріне қатысты пікір білдірген болатын.

Ол Армения, Қазақстан және Әзірбайжан сияқты бірнеше елдің үкіметтері коронавирусқа қарсы тиісті шараларды уақытылы қабылдап жатқанын атап өтті.

Мәтіннен қате тапсаңыз, бізге жазыңыз