"Небәрі 23 жаста еді": Денсаулық сақтау министрі Алматыда қаза тапқан фельдшерге жазба арнады
Опубликовано:
Читать на русском
Қазақстан Денсаулық сақтау министрі Ақмарал Әлназарова Instagram желісіндегі парақшасында Алматыда жол-көлік оқиғасынан қаза тапқан фельдшер туралы жазды, деп хабарлайды KAZ.NUR.KZ.
Қайтыс болған дәрігердің аты-жөні Жаңабаева Насиба Мұхтарқызы. Әлназарова әріптесінің қаза тапқаны туралы хабарды терең күйзеліспен қабылдағанын атап өтті.
"Жедел медициналық жәрдем фельдшері Насиба Мұхтарқызы Жаңабаеваның қызметтік міндетін атқару кезінде қаза тапқаны туралы қаралы хабарды терең күйзеліспен қабылдадым.
Насиба небәрі 23 жаста еді, төрт ай бұрын ғана Алматы қаласының Жедел жәрдем қызметіне жұмысқа тұрған болатын. Осы қысқа уақыт ішінде ол өз міндетіне жауапты, адал, жанашыр, әрқашан көмек көрсетуге дайын медицина қызметкері ретінде танылды.
Насиба Мұхтарқызының туған-туыстарына, жақындарына, әріптестеріне және Алматының бүкіл медициналық қауымдастығына қайғырып көңіл айтамын", - деп жазды министр.
Еске салсақ, бұған дейін Алматы қаласы денсаулық сақтау басқармасының өкілдері KAZ.NUR.KZ тілшісіне жол апаты салдарынан жедел жәрдем қызметінің фельдшері қайтыс болғанын хабарлаған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/health/healthcare/2316186-nebari-23-zhasta-edi-densaulyq-saqtau-ministri-almatyda-qaza-tapqan-feldsherge-zhazba-arnady/