Шымкентте медқызметкерлер сүтке тұншығып қалған 2,5 айлық сәбиді құтқарып қалды

Шымкентте жедел медициналық жәрдем қызметінің мамандары сүтке тұншығып қалған сәбиді құтқарып қалды, деп хабарлайды қалалық денсаулық сақтау басқармасына сілтеме жасаған KAZ.NUR.KZ.

Ведомствоның мәліметінше, 1 ақпанда сағат 00:14-те 103 пультіне шұғыл шақырту түскен.

Шақыртуға жедел жәрдем бригадасы небәрі 6 минутта барған. Медицина қызметкерлері келгенде сәби дем алмай, ес-түссіз жатқан, сондай-ақ тамыр соғысы да сезілмеген.

Анасының айтуынша, қосымша тамақ бергеннен кейін 15-20 минут өткен соң баласы лоқсып, тұншыға бастаған. Ол қорылдап, көгере бастағанда дереу қолына алып, жедел жәрдем шақырған.

Дәрігер мен фельдшер бірден реанимациялық көмек көрсетіп, екі-үш минут ішінде сәбидің жүрек соғысы мен тыныс алуын қалпына келтірген.

Алғашқы медициналық көмектен кейін кішкентай пациент Шымкент қалалық клиникалық балалар ауруханасына жеткізіліп, дәрігерлер бақылауына алған.

Посмотреть эту публикацию в Instagram

Публикация от Шымкент Қаласының Денсаулық Басқармасы (@gorzdravshymkent)

Мәтіннен қате тапсаңыз, бізге жазыңыз