Адамдар тәуелді болып қалған 8 нәрсе қандай?

70-80 жылдары "тәуелділік" сөзі тек ішімдік пен темекіге қатысты ғана айтылатын. Ал жаһандану дәуірінде тәуелділік мүлде басқаша. Осы орайда адамдардың неге тәуелді болатынын ғалымдар анықтап көрді деп жазады NUR.KZ.

Смартфондар

Бүгінгі таңда ең көп таралған тәуелділік смартфондармен байланысты. Орта есеппен әрбір адам күнделікті үш сағатын смартфонына арнайды екен.

Шоппинг

Шылым шегу немесе ішімдік ішу сияқты шоппинг те адамдарға жақсы көтеріңкі көңіл-күй сыйлайды, бірақ артынша өкініш сезімі пайда болады. Шоппингке тәуелді жандардың көбі алған заттарын тіпті пайдаланбайды да екен.

Пластикалық ота

Косметикалық хирургия адамдарға өздеріне деген сенімдерін артыруға көмектеседі. Бірақ кейбір адамдардың армандары мен шындығындағы нәтижелері сәйкес келе бермейді. Жүз адамның үшеуі ойдан шығарылған кемшіліктерге байланып, психологиялық ауытқуларға душар екен. Бір рет ота жасатып, тоқтай алмайды. Өкініштісі, оталардың екі пайызы ғана бұл ауытқуды жеңуге көмектеседі екен.

Күнге күю

Жиі күнге күю қуаныш сезімін тудыратын эндорфиндердің бөлініп шығуына себеп болады. Алайда кейбір ғалымдар бұл тәуелділікке әкеліп соғады дейді. Сонымен қатар, күнге күюге деген құмарлық шылым шегу тәуелділігіне әкеп соғуы да мүмкін екен.

Әлеуметтік желі

Интернет барлық жерде бар. Сол интернетте өткізген уақыттың 28 пайызы әлеуметтік желіде отыруға жұмсалады. Жасөспірімдер арасында бұл көрсеткіш одан да жоғары.

Қант

Өткізілген зерттеу бойынша қант миға кокаиннен де күшті әсер етеді екен. Тәтті заттардың алуан түрі болғандықтан, бұл тәуелділік әлем бойынша кең таралған.

Кофеин

Кофеин тәуелділік туғызып қана қоймайды, одан бас тартқан жағдайда адамда жүрек айну, шаршау, зейіннің төмендеуі сынды әсерлер пайда болуы мүмкін.

Мұрынға шашатын спрейлер

Кейбір спрейлерді ұзақ пайдалансаңыз, оған тәуелділік пайда болуы мүмкін.

Мәтіннен қате тапсаңыз, бізге жазыңыз