Ұлдар мен қыздар саны тең: Қазақстанда Жаңа жыл түні қанша сәби дүниеге келді

Қазақстанның перзентханаларында Жаңа жыл түні 254 сәби дүниеге келді. Туған нәрестелердің саны бойынша ұлдар мен қыздар бірдей, деп хабарлайды KAZ.NUR.KZ Денсаулық сақтау министрлігіне сілтеме жасап.

Денсаулық сақтау министрлігінің мәліметінше, Ақтөбе облысында бір егіз дүниеге келді.

"Дәстүрлі түрде ең көп нәресте дүниеге келген өңірлер: Түркістан облысы – 29 бала, Шымкент қаласы – 24, Астана – 22 және Алматы қаласы – 21", - делінген хабарламада.

Денсаулық сақтау министрлігі "Аналар саулығы" бағдарламасы шеңберінде экстрагениталдық патологияларды анықтау, жоспарланған жүктілікке дейін зерттеп-қараулар мен сауықтыру мақсатында профилактикалық қарап-тексерулер мен прегравидарлық дайындық жүргізіліп жатқанын да мәлімдеді. 2025 жылдың қорытындысы бойынша прегравидарлық дайындықпен қамту 11 пайызға артып, әйелдердің 46,5 пайызын құраған.

"Жүктіліктің 10 аптасына дейін, ерте есепке тұрған жүкті әйелдердің саны 25 пайызға өсті. Бұл әрбір болашақ анаға жеке мультидисциплинарлық тәсілді қамтамасыз етуге, сапалы антенаталдық күтім көрсетуге, қауіпсіз босануға және босанғаннан кейінгі бақылауды жүргізуге мүмкіндік береді", - дейді ведомство өкілдері.

Мәтіннен қате тапсаңыз, бізге жазыңыз