Forbes назарына іліккен қалталы кәсіпкерден 10 кеңес

Әлемнің ең табысты адамдары өз балаларына қандай кеңес береді? Сізге де осы сауалдың жауабы қызық па? Ендеше, 6 жасында бизнес ашқан адамның бірнеше нұсқауын оқыңыз деп жазады massaget.kz.

Инвестор әрі саяхатшы Джим Роджерс "Балаларыма өсиет. Әкенің өмір сүру және табысты болу туралы сабақтары" атты кітап жазған. Forbes басылымы аталған кітапты оқып, оның ішінен үздік кеңестерді таңдап алады да, тек қана бала үшін емес, ата-ана үшін өте керекті деп тауып жариялап отыр.

1. Егер сізді бір іс қызықтырған болса, жасты сылтау етіп тоқтамаңыз

Мен өз бизнесімді 1948 жылы алты жасымда аштым. Бәлкім, сіздер бұл жасты кәсіпкерлік үшін лайықты деп таппайтын шығарсыздар, алайда, бірнәрсе жасағың келсе, жастың ешқандай қатысы жоқ. Мен балалармен бірге бейсбол ойнаудың орнына бөтелке жинап, тиын-тебен таптым. Әкем өз ісімді бастау үшін 100 доллар ақша ұсынғанда қуана келістім.

Ол кезде 100 доллар деген шынашақтай бала үшін үлкен қазына болатын. Уақыт созбай, арахис қуыруға арналған аппарат сатып алып, аз жетістікке жетпедім. Балалар лигасына барып, сусындар мен жаңғақтар сатумен айналыстым. Ойын кезінде қатарлардың арасымен жүріп, барынша көп сауда жасауға тырысатынмын.

Ісім оңға баса бастағанда, бауырларымды тарттым. Бес жылдан кейін әкеме 100 долларды қайтарғанымда, банктегі есебімде 100 доллар бар болатын. Егер сізді бір іс қызықтырған болса, жасты сылтау етіп тоқтамаңыз.

2. Табыс туралы армандаған адамның алғашқы қадамы қандай болу керек?

Жауап қарапайым: көптеген істің «дәмін татып көріңіздер», сонан кейін шын мәнінде жаныңыз қалаған, ләззат алған салаңызға тоқтаңыз. Тағам әзірлеуді ұнатсаңыз, мейрамхана ашыңыз. Оңайға соқса, бимен айналысыңыз. Жаныңыз тартып тұрса, бақ отырғызыңыз. Бәлкім, бір күні гүл дүкенін ашу туралы идея пайда болар. Табысқа бастар ең жылдам жол – өзіңе ұнайтын істі табу және жан-тәніңмен берілу.

3. Өзіне ұнамайтын жұмысты істейтін, бірақ, одан келетін табыстан бас тарта алмайтын адамдарды ең бақытсыздар қатарына жатқызар едім

Жүрек қалауына құлақ асатын адамдар жай ғана жұмысқа барып келмейді. Олар әр таң сайын сүйікті ісіне жеткенше асығады. Жақсы көретін жұмысыңыз сізді алтынмен аптап қоймаса да, жан дүниеңізді байыта түседі. Қысқасы, бақыттысыз. Ал бақытқа баға беруге болмайды.

4. «Өмір» атты саяхатыңыз қаншалықты ұзақ болған сайын, соншалықты көп бұрылыс болады

Әрбір соқпақта түрлі адамды кезіктіресіз. Әрине, түрлі пікір болады. Әлемде қанша адам болса, сонша пікір бар деген сөз бекер айтылмаған. Олар сізге өзіңді ұстау ережелерін, не оқу керек екенін, жейтін тағамдарды, ақшаны жұмсау жолдарын үйретеді. Біреуден естіген немесе оқыған пікірлермен соқыр күйде келісе қоймаңыз.

Тіпті, бұл пікірмен барлық адамдар жүрсе де, бірден бұрылмаңыз. Әрдайым, альтернативті нұсқаларды қарастырыңыз. Қоғамдық ортада кең таралған нормалар көбіне жалған болып шығады.

5. Егер біреу идеяларыңызды ашық түрде келеке етсе, оған позитивті түрде қараңыз

Егер айналаңыздағы адамдар сіздің ойыңызды өзгерткісі келсе немесе идеяларыңызды ашық түрде келеке етсе, оған позитивті түрде қараңыз. Әрине, ағысқа қарсы жүзу қиын, бірақ, табысты адамдардың тәжірибесі дәл осы нәрседен басталған.

6. Болашаққа қараңыз. Аяғыңыздан шалған нәрсеге байланып қалмаңыз

Қанша уақыт, күш, ақша кеткені маңызды емес, кеткен нәрсе келмеске кетті. Қалған өмірде сәттілікке жеткіңіз келсе, өзіңіз сенімді болған нәрсеге ғана тәуекел етіңіз.

7. Алдыңыздан «О дүниеге байлығыңды бәрібір әкете алмайсың!» сынды кеңес айтатындар шығады

Дүниенің өткінші екенін еске салатындардың болғаны қандай жақсы. Бірақ, сіз мақсатыңыздан бас тартпауыңыз керек. Қартайғанда күніңіз басқаға қарап қалудан, өзге қатарластарыңыздың соңында қалып қоюдан қорықсаңыз, жағдайыңызды жасаңыз.

Қолыңызда қаражат болса, қаншама адамға көмек қолын соза аласыз. Бастысы – ақшаға құл болудан сақтану және ысырапқа жол бермеу. Бұл – дүниедегі ең маңызды нәрселерді ұмыттырып, «апатқа» әкеледі.

Тағы да оқыңыздар:

Ақжарқын Тұрлыбайдың анасы қызының Қытай түрмесіндегі өмірі туралы айтты (фото)

Дональд Трамп өзінің ұлықтау рәсімінде танымал адамдарды көргісі келмейді

Ақтөбелік тұрғын ауыр дертке шалдыққан әкесіне бауырын бөліп берді

Қарттар үйіндегі шымкенттік қария жастарға жар таңдағанда абай болуды ескертті

Назарбаев Ресейде Путинмен кездесіп, ұшақ апатына байланысты көңіл айтты

Аптаның басы қазақстандықтарды жылы ауа райымен қуантпақ