Күннің бетіндегі белгісіз құбылыс адамдардың үрейін тудырды

Якутияда күннің бетін үш сағат жауып тұрған белгісіз құбылыс адамдардың үрейін тудырды. Бұл туралы 42.tut.by сайтына сілтеме жасаған NUR.KZ хабарлайды.

Оқиға 20 шілде күні Якутияның бірнеше аймағында болған. Тұрғындар күннің бетін көлегейлеп жапқан белгісіз құбылыстың әсерінен үш сағат бойы қараңғыда қалыпты.

"Бұл таңертең сағат 11-лерде орын алды. Жарықсыз ештеңе көрінбеді. Барлығы жарықшамдармен жүрді. Сыртқа шыға алмадық. Себебі, қысым өте көп болды", - дейді жергілікті тұрғын.

Күннің жарығы "қосылған" соң тұрғындар жердің бетін шаң басқанын байқаған. Белгісіз құбылыс бір ауданда таңертең басталса, екінші өңірде түсте орын алыпты.

Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98