11 тамыздағы Күннің тұтылуы кезінде неден сақ болған жөн?

2018 жылдың 11 тамызында әлем жұртшылығы Күннің тұтылуын тамашалай алады. Бұл құбылыс кезінде неден сақ болу керектігін asn.in.ua сайты жазды деп хабарлайды NUR.KZ порталы.

Айта кетсек, бұған дейін 11 тамыздағы күннің тұтылуын Қазақстанның қай өңірі тамашалай алатынын жазған болатынбыз.

11 тамыз күні ашушаң болмауға тырысу керек дейді астрологтар. Қысқа уақыт қана болатын Күннің тұтылуы кезінде маңызды шаруаларды кейінге қалдырған жөн екен.

Мамандар таңертең демалуға кеңес береді. 11 тамыз күні сауда жасаудан да аулақ болу керек. Шығармашылықпен де айналыспаған абзал.

"Күннің тұтылуы адамдарды алшақтатып жібереді. Бұл күні жақындарыңызға, сүйіктіңізге тым қатты еркелемеуге тырысыңыз. Бұл күн жаттығулар жасап, суға шомылып, табиғат аясында серуендегенге қолайлы болмақ", - дейді мамандар.