Шымкентте жүрегі тоқтап қалған 90 жастағы қария қайта тірілді
Опубликовано:
Шымкентте жасы тоқсанға келген кейуана бір өліп, қайта тірілді. Шақырту орнына лезде жеткен ақ халаттылар қарияны аман алып қалған деп хабарлайды өңірдегі NUR.KZ тілшісі.
Қалалық жедел жәрдем станциясына 4 қаңтар сағат таңғы 05.30 шамасында 90 жастағы қарт әжейдің жүрегі тоқтап, ес-түссіз жатқандығы туралы хабарлама келіп түскен.
Науқасқа шұғыл жеткен жедел жәрдем дәрігерлері кейуананың инфаркт алғанын анықтап, реанимациялық ем-дом жасайды.
Дер кезінде көрсетілген медициналық көмектің нәтижесінде жүрегі тоқтап қалған кейуананың жүрек қағысы қалпына келген.
Жедел жәрдем бригадасы инфаркт алған әжейді Шымкент қалалық кардиология орталығына жеткізді.
Қазір бір өліп-тірілген тоқсандағы қария аталған емдеу мекемесінде ем қабылдауда.
Мақаланың түпнұсқасы: https://kaz.nur.kz/kaleidoscope/1771743-symkentte-zregi-toktap-kalgan-90-zastagy-karia-kajta-tirildi/