Top.Mail.Ru

Сайт нұсқасы

ru kz

Зектілері

Түсіңізде ақша көру нені білдіреді

Опубликовано:

Түсіңізде ақша көру нені білдіреді
Көрнекі сурет: pixabay.com

Түсіңізге ақша кірсе, табысыңыз артып немесе шығынға батуыңыз әбден мүмкін. Кейде тіпті, мұндай түс күтпеген жаңалықтың да жаршысы болуы ықтимал. Сонымен түсіңізге ақша кірсе ненің белгісі болуы мүмкін? KAZ.NUR.KZ тілшісінің материалынан оқып, біле аласыз.

Sonnik.ru сайтында түске ақша кіруге байланысты келесі болжамдар бар:

Егер түсіңізде ақша тапқан болсаңыз, ұсақ-түйек қиындықтар аяқталып, табысқа қол жеткізесіз.

Ақшаны біреуге беріп жатсаңыз, көп ұзамай өміріңізде сәтсіздіктер басталады. Ал біреуден ақша алсаңыз, керісінше сізді байлық пен жетістік күтіп тұр.

Ақша жоғалтып алсаңыз, істеріңізде қиындықтар туындап, отбасында жанжал болуы мүмкін.

Түсіңізде ақша санап, оның жетпей тұрғанын анықтасаңыз, өңіңізде күтпеген шығындар болады деген сөз.

Морфей патшалығында ақшадан қысылып, үнемдеп жүрсеңіз, шынайы өмірде байлыққа кенелесіз.

Ал ақша ұрласаңыз, бұл шынайы өмірде сізге қауіп төніп тұрғанын, абай болуды ескертетін түс.

Егер тиын немесе қағаз ақшаға үңіліп қарап тұрсаңыз, табысыңыз өзіңіздің пысықтығыңызға тәуелді болғаны.

Қомақты ақша сомасын қарызға алғаныңыз түсіңізге кірсе, шын мәнінде айналаңыздағы адамдар сізді бай деп ойлайтыны. Араларында сізді сараң деп есептейтіндер де жоқ емес болуы мүмкін.

Тұрмысқа шықпаған бойжеткен қарызға алған ақшаның барлығын жұмсап тастағанын көрсе, бұл оның жақын досынан айырылып қалуы мүмкін екенін ескертеді.

Түсіңізде ақша көру нені білдіреді?
Көрнекі сурет: pixabay.com

Ванганың түс жорамалы

Атақты көріпкел түске ақша кіруге байланысты мынадай болжамдар айтып кеткен:

  • Түсіңізде ақшаны тауып алсаңыз, жақындарыңыздың бірі жайсыз нәрсені жоспарлап жүр деген сөз. Мұндай келеңсіздікке жол бермес үшін ақшаны үнемдеуге тура келеді.
  • Түсіңізде ақша алып жатсаңыз немесе әлдекім сізге ақша беріп жатса, онда ол түс көрушінің жаны жайсаң, қолы ашық, жомарт адам екендігінің белгісі.
  • Ал түсте жаратылған ақшаны көру – берекенің қашуы немесе кедейліктің белгісі деген сөз. Мұндай жағдайға жетпеу үшін ақшаны барынша үнемдеп ұстаңыз.
  • Ақшаны қайта-қайта есептесеңіз, онда ақшаға қатал болудың, ақша үшін ештеңеден тайынбайтынының белгісі. Сол үшін қаржыны өзіңізден де, жақындарыңыздан да аямай, жұмсаңыз, сонда берекелі боласыз.
  • Сол сияқты түсіңізде ақшаны біреуге беріп жатсаңыз, онда жаңадан қолға алатын бастамаңызға ақша жұмсайсыз деген сөз және бұл игі ісіңіз сәтті болады, тек қаражатты үнемдеп ұстасаңыз болғаны.
Түсіңізде ақша көру нені білдіреді?
Көрнекі сурет: pixabay.com

Миллердің түс жорамалы

Америкалық түс жорушы ақшаға қатысты келесі болжамдарды ұсынады:

  • Түсіңізде ақшаны тауып алсаңыз – кішігірім қиындықтар болғанымен, соңы жақсы аяқталады деген мағынаны білдіреді. Мұндай түстің тағы бір мағынасы – көп ұзамай өміріңізде өзгерістер болуы мүмкін.
  • Түсіңізде тиын ақшаны көрсеңіз әрі ол алтын тиындар болса, онда сіздің болашағыңыз жарқын әрі бақытты болады деген сөз.
  • Ал түсіңізде ақшаны жоғалтып алсаңыз, онда қиындықтар болады деген мағынаны білдіреді.
  • Сол сияқты түсте ақшаны қайта-қайта санап жатсаңыз, онда жақын арада қаржылық қиындықтар туындайды деген сөз.
  • Ал егер түсіңізде ақшаны ұрлап алса, онда жамандықтың белгісі, сонымен бірге түсте ақшаңызды үнемдеп жатсаңыз, онда болашақта сіз бақытты ғұмыр кешесіз деген сөз.
  • Түсіңізде ақшамен сауда жасап жатсаңыз, онда – сәтсіздіктің белгісі. Жоспарларыңыз ойдағыдай жүзеге аспауы мүмкін.
  • Ал түсте ақшаны жұтып қойсаңыз, онда сіз іші тар, жақынына ақша бермейтін "Шық бермес Шығайбай" боласыз деген сөз.
  • Түсте көп ақша көру және она есептеу – жақсылықтың нышаны. Жақын арада қиындықтар өз шешімін тауып, бәрі ойдағыдай болады деген сөз.
  • Түсте шетел ақшасын көру – ол ақшаны оңды-солды шашудың белгісі.
  • Ал көп қағаз ақша тауып алсаңыз, онда шығынға батасыз деген сөз немесе жаныңыздағы әйел адам сіздің ақшаңызды шашып, тақырға отырғызады деген сөз.
  • Біреуден алған ақшаны жұмсау – онда досыңыз сізді алдап, сіз оған сенуден қаласыз деген сөз.
  • Кез келген ақшаны қолдан жасау – жамандықтың белгісі, барлық қолға алған ісіңіз сәтсіз аяқталып, тіпті шығынға батуыңыз әбден мүмкін.
  • Ал сөмкеңізде ұсақ ақша жатса, онда ол сіз өмірге қанағаттанбай жүрсіз деген сөз.

Сол сияқты ақшаны ұсақтап жатқанда, оны жоғалтып алсаңыз, демек сізді сәтсіздіктер күтіп тұр; ал қайта санау – табыстың белгісі.

Түсіңізде ақша көру нені білдіреді?
Көрнекі сурет: pixabay.com

Лоффтың түс жорамалы

Автор ақшаны табу немесе оны жоғалтып алу, я болмаса жұмсау – ақшаға қатысты болжамды нақты, ашып айтпайды екен. Сол себепті ол түсте көрген оқиғаны сараптап, оған кімдердің қатысқанын білу маңызды дейді. Оның пайымынша, ақша әдетте оны өмір бойы жинаған адамдардың түсіне жиі кіреді екен. Мұндай адамдар қаржылық қиындық пен оларды дұрыс жұмсай алмаудан қиналады дейді ол. Сол себепті Лофф түсте ақша кіруге қатысты өз болжамдарын былай деп айтқан:

  • Түсте ақша алып жатсаңыз, жаныңызда кімдер бар, оны қалай алғаныңыздың бәрін еске түсірген абзал. Егер ақша беріп жатқан адам әділ әрі адал адам болса және сізге осы мінезімен ұнаса, онда ол адам сізге өз батасын берді деп есептей беріңіз.
  • Ал біреу келіп сізге ақшаны ұсынып жатса, онда сіздің біреуге көмектесуді ойлап жүргеніңізді білдіреді.
  • Жинаған ақшаңызды жоғалтып алсаңыз, онда сіз ақшаны өз қажетіңізге жұмсауды армандап жүрсіз деген сөз.

Фрейдтің түс жорамалы

Психоанализдің негізін қалаушы түске ақша кіруді жыныстық қатынаспен байланыстырады.

  • Егер түсіңізде қағаз ақшаны немесе тиындарды біреуге беріп жатсаңыз, онда жаныңызда тұрақты серігіңіз болады деген сөз.
  • Ал түсіңізде ақшаға толы сөмкені тапсаңыз, онда сіз кездестірген ару немесе жігіт сізбен уақытша бірге жүр деген мағынаны білдіреді.
  • Нақты біреуден ақша алу – онда сіз сол жанға көңіл аударуыңыз қажет деген сөз.
  • Ер адам түсінде көп ақша көрсе, онда ол өзінің екінші жартысын қаржылай толық қамтамасыз етеді немесе қысқа мерзімге созылатын махаббат хикаясы болады деген сөз.
  • Сол сияқты Фрейд ақшаны жоғалтып алу – денсаулығыңыз сыр береді деген мағынаны білдіреді дейді.

Дворяндардың түс жорамалы

Н. Гришинаның еңбегіне сүйенсек, түсте ақшаны қандай жағдайда көргеніңізге байланысты оны әрқалай жоруға болады.

  • Егер түсіңізде көп көлемдегі ақша көрсеңіз, онда шығынға батасыз.
  • Ал көп көлемдегі қағаз ақшаны көру – онда көптен күткен жаңалықты естисіз немесе арманыңыз орындалады деген сөз.
  • Ақшаны сатып алуға жұмсау – онда күтпеген жерден қаржы аласыз.
  • Ақшаны жоғалтып алу – өміріңізде шағын келеңсіздіктер болады деген мағынаны білдіреді.

Дворяндардың түс жорамалына сәйкес, ақшаны тауып алу – жақсылықтың белгісі емес. Түс көруші сынақтарға тап болуы мүмкін. Бұдан бөлек, түсіңізде қағаз немесе тиын ақшаны есептеп жатсаңыз, мұндай жағдайда да өңіңізде қиындықтар болады деген сөз. Мысалы:

  • Ақша жинау – шығынның белгісі.
  • Жалған ақшаны түсте көру – өтірікке сену немесе уақытты босқа өткізу.
  • Түсіңізде айлық алу – жұбайыңыз сізді жек көреді деген мағынаны білдіруі мүмкін.

Ірі ақшаны көру немесе қап толы ақшаны түсте көру – онда ұзақ жасап, қартайғанда бақытты боласыз деген сөз.

Аталған болжамдардың барлығы тек танымдық мақсатта ұсынылуда. Сол себепті кеңестерді жүрекке жақын қабылдамай, түсіңізді жақсылыққа жоруды әдетке айналдырыңыз.

Мақаланың түпнұсқасы: https://kaz.nur.kz/kaleidoscope/1776306-tsiizde-aksa-kru-neni-bildiredi/

pixel