Коронавирус кезінде әлемді аузына қаратқан ең оғаш бетперделер

Коронавирус індеті пайда болғалы бері бетперделердің де қайталанбас ерекше түрлері ойланып табылуда. Бұл туралы KAZ.NUR.KZ порталы novosti-n.org сайтына сілтеме жасап хабарлайды.

Украинаның Запарожье қаласында коронавирусқа қарсы ерекше бетперде ойлап тапқан зейнеткер көпшілік назарына іліккен болатын.

Қалалық автобустардың бірінде отырған кейуана індетті жұқтырмау үшін үлкен пластикалық шөлмекті пайдаға асырған. Ол шөлмекті басына сыятындай етіп қиып, мұрнын, көзін және аузын дерттен осылайша қорғауды ұйғарыпты.

Сөзсіз 2020 жыл адамзат тарихында коронавирус індетімен ғана емес, оғаш бетперделер түрімен де есте қалатын болды.

Ауыр індет кезінде де көңіл-күйлерін түсірмеген кей тұрғындар бетпердесін барынша сәнді, ерекше, күлкілі етуге тырысып бағуда.

Еске салсақ, бұған дейін біз бетперде тақпайтындармен күрес бастаған АҚШ тұрғынының оларға арнайы қару ойлап тапқанын жазған болатынбыз. Жас жігіт оқтың орнына бетпердемен ататын қару түрін құрастырып шыққан. Алайда Аллен қаруды ешкімге кеземейтінін алға тартты. Тек осылайша бұл мәселеге жұрттың назарын аударуды көздепті.

Одан бөлек ғалымдар масканың коронавирус жұқтыру қаупін төмендететінін мәлімдеген болатын. Белгілі болғандай, маскамен 230 000-нан 450 000-ға дейін аурудың алдын алуға болады екен. Сол себепті, індеттен қорғану үшін барынша бетперде киіп жүргеніңіз абзал.

Мәтіннен қате тапсаңыз, бізге жазыңыз