RU

"Ералаштың" балалары бүгінде қайда жүр

Ералаш
Фото: supercoolpics.com

"Ералаштың" дебюті 47 жыл бұрын болғанын білесіз бе? Содан бері оның 300-ден астам түсірілімі жарыққа шығып үлгерді. Тележурналдағы көптеген жас актерлер есейіп қана қоймай, түбегейлі өзгерген. Олардың кейбірі әлі де танымалдығын жоғалтпаса, енді бірі актерліктен бас тартып, мүлде өзге жолды таңдаған. "Ералаштың" балаларының бүгінгі күніне қатысты қызықты ақпаратты supercoolpics.com сайты назарға ұсынды.

Ксения Шандалова

Ксения
Фото: supercoolpics.com

Бала кезінде Ксения талай көрерменнің жүрегін жаулап үлгерген болатын. Ал есейе келе ол фильмге түсуін азайтқан. Ксения барлығы тоғыз жобада бой көрсеткен. Соңғы рет актриса 2009 жылы фильмге түседі. Бүгінде ол киноиндустрияда жұмысын жалғастыруда. Бірақ актер ретінде емес, грим жасаушы ретінде.

Александр Лойе

Александр
Фото: supercoolpics.com

Бұл тәтті балақайға ғашық болмау мүмкін емес еді! Саша актерлікті бастаған кезде небәрі 5 жаста болатын. Кейінірек ол экрандардан көрінуін азайтады. Ол негізінен жарнамада бой көрсетіп жүр.

Антон Колесников

Антон
Фото: supercoolpics.com

Жас кезінде Антон 22 эпизодта ойнады. Содан кейін ол кинодаға жұмысын тоқтатқан емес. Бірақ актер ретінде емес, дыбыстаушы ретінде 200-ден астам жобаға қатысқан. Антон бүгінде театрда өнер көрсетіп жүр.

Павел Кассинский

Павел
Фото: supercoolpics.com

Ал бұл бала қашан да бұзақының рөлін сомдап келген. Бүгінде де актер дәл осындай рөлдерді сомдайды. Павел өз мамандығында жоғары сұранысқа ие. Ол негізінен жағымсыз кейіпкерлерді сомдайды. Десе де, ол барлық жобаларға қатыса бермейді. Себебі, екі ұл тәрбиелеуге де уақыт табу керек.

Любовь Зайцева

Любовь
Фото: supercoolpics.com

Любовь барлығы 40 рөлді сомдады. Кинодан бөлек ол сурет салуға, поэзияға уақыт табады. Сонымен бірге спортпен айналысып, дұрыс тамақтану қағидасын ұстанады.

Юлия Михайлина

Юлия
Фото: supercoolpics.com

Юлияның бүгінде көркінен көз сүрінеді. Алайда ару киноға түсуін доғарған. Оның тек бақытты отбасын құрып, ана атанғаны ғана белгілі.

Велимир Русаков

Велимир
Фото: supercoolpics.com

4 жасында экраннан көрінген бала бүгінгі күнге дейін 50-ден астам рөлді сомдап үлгерген. Велимир рок-музыкамен әуестенеді. Оның өз тобы да бар.

Мақаланың түпнұсқасы: https://kaz.nur.kz/kaleidoscope/1911376-eralastyn-balalary-buginde-qaida-zur/