jitsu gif
Денсаулық

    Косметолог кірпік қайырудың зиян екенін айтып, ескерту жасады (фото)

    Кірпік
    Фото: Engin Akyurt / Pexels

    Британиялық косметолог кірпік қайырудың зиян екенін ескертті. TikTok-та жарияланған видео көпшіліктің қызу талқысына түскен деп хабарлайды lenta.ru.

    Желіде жарияланған видеода Ипек Озкан кірпік жалғау процедурасына келген клиентінің кірпігін көрсетеді. Маман кірпік қайыруға арналған қысқаштардың кірпікке қалай әсер ететіндігін көпшілік назарына ұсынған.

    Кірпік
    Кадр: TikTok / ipsbeauty

    "Оның кірпіктері қиылып қалған, себебі ол қысқашты тым көп пайдаланған, бұл өте зиян!", - дейді косметолог.

    Мұндай қысқаштардың орнына маман арнайы арнайы кірпік қайырғышты қолдануды ұсынады.

    Оның айтуынша, мұндай құрал жұқа кірпіктердің қиылып кетуіне әкеліп соқпайды және кірпіктің құрылымын бұзбайды.

    Косметологтың желіде жариялаған видеосы 8,6 миллион қаралым жинап үлгерген. Желі қолданушылары Озканға алғысын айтуда.

    "Сізге рахмет! Мен қысқаштарды көптен бері қолданып келемін, бірақ олардың өте зиян екенін білмеппін!", "Бір рет осындай қысқаштардың кесірінен барлық кірпігімнен айырылып қала жаздадым. Адамдар сіздің кеңестеріңізге құлақ асып, бұл зиянды құралды қолданбайды деп үміттенемін!", "Иә, олар шынымен кірпікті қиып жібереді", - деп жазды пікір қалдырушылар.

    Еске салсақ, бұған дейін кірпік жапсырмақ болған 19 жастағы ару көз жанарынан айырылып қала жаздаған еді.

    Одан бөлек, мамандар жасанды кірпіктің зиянын айтып берген болатын.

    Барлығын бірінші болып біліп отырыңыз

    Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

    Instagram
    Сақтаулылар
    Мұнда әзірше бос
    Жарияланым парақшасында «
    » батырмасын қолданып, оны сақтаулылар тізіміне қосыңыз.